VOV4.K’ho- Drim do, 16/12 tàm Hà Nội, Ƀộ Nông nghiệp mờ Phát triển Nông thôn pơgồp bal mờ Broă lơh bơtàu tơnguh Liên hợp quôk tàm lơgar Việt Nam mờ Kes priă bơtàu tơnguh lơh sa suơn sre dunia bơyai lơh Pơrjum bal Broă lơh dong kờl dunia nam 2021. Pơrjum là dơ̆ cribơyai broă lơh dờng màng geh bơyai lơh pah nam đah Ƀộ Nông nghiệp mờ Phát triển Nông thôn mờ ală mpồl, ală cau dong kờl dunia, tập đoàn mpồl lơh sa kă bro, mpồl, lơgar lơh broă bal nàng bal mờ gơp cribơyai, tam pà ală gùng dà broă lơh, broă lam lơh lài bơh 2 gah dê kờñ chồl pràn lơh broă bal dunia, sơlơ tơnguh đơng pơlam, tam pà ală bơta pràn chul chồl bơta bơtàu tơnguh lơh sa suơn sre Việt Nam jat gùng dà kơ̆ kơljap mờ gơ glòm jơh ală bơta.

Mờ tơngume Lơh broă bal tơlir ai dùl rài lơh sa suơn sre pa, pơrjum geh tàm lùp mờ cribơyai bè Jơnau rơcang cih Broă rơndap lơh bơtàu tơnguh lơh sa suơn sre, tiah ƀòn lơgar kơ̆ kơljap tơngai bơh nam 2021 tus nam 2030, broă wèt sền tus nam 2050 mờ broă rơndap lơh lam lơh broă dà lơgar bơh lơgar Việt Nam dê mờ ală anih lơh gơlik kòi phe, phan sa kơ̆ kơljap tơngai bơh nam 2021 tus nam 2030.

Cau mblàng K’Duẩn