VOV4.K’ho - Tàm broă bơyai lơh chờ kơphe Buôn Ma Thuột dơ\ 7 nam 2019, càr Dak Lak neh bơh bơyai lơh pơrjum hòi jà bơcri priă càr Dak lak 2019 mờ broă đơng lam bơh Phó Thủ tướng Thường trực Chính phủ ồng Trương Hoà Bình.

Mờ tơngu me kờ` tơnguh broă hòi jà ală priă bơcri, pờ ơnàng gah broă, ù tiah mờ broă bơcri priă, wèt tus tàm ală drà geh uă bơta pràn bal mờ ală tập đoàn lơh sa dờng, càr Dak Lak hơ geh tơrgùm ală bơta pràn ai broă tơnguh bơtàu broăt bơ\t bơtàu broă lơh, tơnguh niam ală broă hòi jà bơcri priă tơnguh bơtàu càr dê.

Dak Lak geh uă bơta pràn tơnguh bơtàu, hơ\ là bơta geh go\ ngai sơlơ loh bơh broă lơh mùl màl tam gơl pa mờ tơnguh bơtàu càr dê. Ală cồng nha broă lơh sa mpồl bơtiàn neh geh tơngo\ bơta do.

Mơya, GDP tơl nă cau nam 2018 tàm tiah geh tam uă kơphe mìng geh rơlao 40 tơlăk priă, ờ uă ngan pơn drờm mờ kờp bal 58 tơlăk 500 rơbô priă gùt lơgar dê. Do ờ mìng là cồng nha kơ\p kờ` mờ sền do là broă di pal mờ broă kờ` bơh broă tơnguh bơtàu.

Phó Giáo sư Tiến sĩ Trần Đình Thiên, kuang bàng tàm mpồl pơlam broă lơh sa bơh Thủ tướng Chính phủ, mờ là kuang atbồ Viên Kinh tế Việt Nam lài do đơs là, bơcri priă tàm càr Dak Lak pal geh broă hòi jà tàm ală gah pràn tòm bè phan geh is ù tiah drơng broă tơnguh bơtàu lơh sa suơn sre, năng lượng lơh wơl, lơh sa mờ măi mo\k lơh gơs phan ngui, nhơl chờ niam.

Phó giáo sư tiến sĩ Trần Đình Thiên di nùs ngan mờ bơta pràn “Brê bơnơm” bơh Tây Nguyên dê, mờ đơs là, càr Dak Lak ờ gơtùi lơh is bơta pràn do kờ` tơnguh bơtàu lơh sa suơn sre, nhơl chờ, mờ pal kờ` geh tai broă bơsong bè cơ chế, broă lơh:

-Broă kờ` tơnguh bơtàu bơh Buôn Ma Thuột dê ờ di là broă is càr Dak Lak mờ là broă bơh dà lơgar, bơh tiah do dê den tàng pal geh cơ chế broă lơh, di lah mìng càr Dak Lak lơh den ờ gơtùi bơsong gơs.

A` đơs là, kờ` tơnguh bơtàu ală tiah den bơnah uă ngan là broă bơsong tàm Hà Nội ờ go\ di là tàm ală tiah. Den tàng, kơ\p kờ` dà lơgar sền gròi bơsong thể chế kờ` ală tiah geh nùs nhơm rơcang tơnguh bơtàu rơlao tai.

Mblàng mùl màl gah lơh sa suơn sre, tiến sĩ Nguyễn Đỗ Anh Tuấn, Kuang atbồ Viện Chính sách mờ chiến lược tơnguh bơtàu broă lơh sa suơn sre [òn lgar đơs là, càr Dak lak neh geh ală broă tơnguh bơtàu niam ngan, ai geh ală phan tòm bè kơphe, tiêu, tòm chi sa plai kờ` lơh gơs tiah geh phan.

Càr kung neh geh ală broă lơh pơgồp bal uă, bơ\t bơtàu geh ală broă pơgồp bal geh cồng nha uă. Mơya, broă wèt gùng dà tơnguh bơtàu ală bơta phan geh lơh tòm pơgồp bal mờ bơta kờ` tàm drà kă bro gam ờ uă. Ală tòm chi sa plai tòm bè tiêu, kơphe, cao su, điều… gam gơbàn uă tài broă gơguh gơmù bơh drà kă bro mờ broă tam uă ir ờ jăt rơndăp broă geh ai, bơta jơnkah phan geh lơh sùm gơbàn.

Tàm tu\ hơ\, gah lơh sa brê bơnơm uă bơta pràn gam ờ hềt geh bơcri priă lơh di pal. Broă bơyai lơh sa suơn sre dềt, ngui khoa học công nghệ gam ờ uă. Lơh sa mờ măi mo\k, broă lơh drơng ala gam ờ pràn.

Kờ` tơmù ală bơta kal ke do, ồng Nguyễn Đỗ Anh Tuấn, Kuang atbồ Viện Chính sách mờ chiến lược tơnguh bơtàu lơh sa suơn sre [òn lơgar đơs là, ai bơh ală hìu is bè tu\ do, lơh sa suơn sre càr Dak Lak pơn jăt tai gơbàn ờ pràn:

-Kờ` bơ\t bơtàu khà geh kuơ ndrờm bal, a` kơlôi là broă lơh lài ngan, dùl broă lơh pràn là tơnguh bơtàu geh broă lơh sa bal mờ sền do là bơta tòm tàm broă tam gơl pa broă lơh sa mờ tơnguh bơtàu lơh gơs phan kă bro uă pơgồp bal mờ bơta kuơ broă lơh sa suơn sre.

Tu\ do, tàm Tây Nguyên priă ù gơguh uă, den tàng kal ke kờ` ală hìu blơi, tăc ha là tơrgùm ù tiah bơh ală cau ndai. Den tàng mìng geh bơh broă lơh sa bal hơ\ sồng he gơtùi lơh gơs phan kă bro tơrgùm bal mờ lơh uă.

Dơ\ 2 là hòi jà bơcri priă bơh anih lơh sa kă bro, kuơ màng là gơwèt mờ gah lơh gơs phan geh bơh broă lơh sa suơn sre, brê bơnơm, phan tàm dà mờ tăc phan mờ lơgar bơdìh.

Tus pơrjum, Phó Thủ tướng Thường trực Chính phủ ồng Trương Hòa Bình đơs niam ală broă lơh ngan bơh Đảng bộ, gơnoar atbồ bal mờ làng bol càr Dak Lak tàm broă tơnguh bơtàu lơh sa suơn sre mpồl bơtiàn, jơh nùs đềt mềr bơh ală anih lơh sa kă bro bơcri priă tàm broă mblàng ală broă lơh sa mpồl bơtiàn càr Dak Lak bal mờ ai geh gùng dà broă bơsong, chồl pràn broă hòi jà bơcri priă.

Phó Thủ tướng đơs là mờ khà cau lơh broă geh uă bơta gam kơnòm, bơta chài rơgơi rài lài do geh uă, ù tiah geh is niam bơne\, gùng lòt geh lơh ndrờm bal, broă kờ` tơnguh bơtàu càr Dak lak geh sơlơ ngai sơlơ loh làng rơlao.

Bè broă kờ` càr Dak Lak lơh gơs mùl màl ală bơta geh, sơlèt ală kal ke gam geh ai, Phó Thủ tướng đơs tòm, broă lơh tòm ngan gam là broă lơh ngan bơh Đảng bộ, gơnoar atbồ càr, bè pơn jăt tai tơnguh broă hòi jà bơcri priă kă bro, tơnguh broă bơceh pa, lam sồr mu\t lơh broă. Bè đah Dà lơgar, Chính phủ geh bal mờ ală bộ, gah lơh broă ai tơl bơta niam:

-Chính phủ geh tơrgùm đơng lam ală bộ, gah lơh broă lơh gơs thể chế adăt boh lam, sră nggal kờ` tơnguh broă bơcri priă kă bro, ai geh bơta [uơn anih lơh sa kă bro, làng bol in tơnguh bơtàu lơh sa kă bro.

Sồr ală bộ, gah lơh broă pal lơh ngan kờ` bal mờ broă lơh gơs ală cơ chế [uơn ai ală anih lơh sa kă bro, bơcri priă tàm càr Dak Lak lơh thể chế niam bơne\ ngan, ba` lời gơbàn ală broă bơcri priă hờ bơdìh, lơh kal ke ai anih lơh sa kă bro mờ pal lơh ngan tam pà bal mờ dong kờl ai càr Dak Lak tơnguh bơtàu pràn.

Tàm pơrjum dơ\ do, càr Dak Lak jào sră dờp bơcri priă ai 40 rơndăp broă, kờp jơh khà priă bơcri rơlao 71 rơbô tơmàn priă. Tàm hơ\, ală rơndăp broă lơh bè năng lượng lơh geh wơl, lơh sa suơn sre, bơto bơtê mờ bơsram, lơh sơnơm geh khà uă.

Càr kung pơn jăt tai hòi jà bơcri priă lơh ală hìu măi lơh gơs phan ngui sa bơh broă lơh sa suơn sre, ală hìu măi lơh cơ khí drơng broă lơh sa suơn sre, lơh gơs phan sa phan ròng, rơndăp broă bơcri priă kă bro broă lơh mpồl lơh sa mờ măi mo\k ală rơndăp broă tơnguh bơtàu hìu [òn drà ală tiah nhơl chờ tàm brê ờ geh go\ ồs đèng lơh mờ càl ồs đèng geh lơh wơl.

Cau mblàng Ndong Brawl