VOV4.K’ho -  Wèt tus tơng kah 71 nam ngai Cau ling sồt sa\- cau ling chơt màng, ngai òr (19/7), tàm [òn dờng Vũng Tàu, càr Bà Rịa-Vũng Tàu, Bộ lao đông Thương binh mờ Xã hội neh bal mờ Bao\ Nhân dân, Bộ Quốc phòng, Bộ kuang àng mờ Ủy ban nhân dân càr Bà Rịa Vũng Tàu bơyai lơh  pơrjum jờng  cau geh màng mờ dà lơgar,  geh ua\ cồng nha jak ngan tàm broa\ lơh, tàm tam lơh, lơh broa\ mờ bơsram sra\.

Tàm dơ\ pơrjum, ồng Trần Đại Quang, Chủ tịch lơgar neh sền dờng nang đơs jơnhua ngan mờ jờng ala\ cau mè Việt Nam khin cha jak chài, cau khin cha jak chài ling klàng làng bol, cau khin cha jak chài lơh broa\, ala\ cau ling sồt sa\, cau ling kòp tê jê sa\, cau hìu nha\ mờ cau ling chơt màng, hìu nha\ cau geh màng mờ dà lơgar neh chồl guh bơhìan khin cha jak chài, lơh ngan broa\  brồ guh, pơnjat tai geh pơ gồp dờng màng tàm rài tam gơl pa, bơt bơtàu mờ sền gàr dà lơgar.

Ồng Trần Đại Quang jờng  ala\ anih lơh bao\ neh nhap nhar yal tơnggit, mblàng pơlam,  bơto bơtê  chính sách, adat boh lam  bè dong kờl cau geh màng mờ dà lơgar kung bè ala\  cau lam lài la cau geh màng mờ dà lơgar pơnrơ ngan.

Cau mblàng K’ Brọp