VOV4.K’ho- Tơngkah 73 nam Kac màng nhai 8, Sơn tờm dà lơgar 2/9, 73 nam ngai bơhìan Kuang àng làng bol mờ 13 nam Ngai chờ gùt làng bol sền gàr lơngap lơngai dà lơgar, drim òr, 15/8, tàm Hà Nội, Bộ Kuang àng bơyai lơh pơrjum tơn jơh broă lơh bơt bơtàu, rề ơnàng broă lơh, cau pơn rơ jak chài tàm srơh Gùt làng bol sền gàr lơngap lơngai dà lơgar tơngai bơh nam 2006 tus nam 2018.

Tus bal pơrjum, Chủ tịch lơgar ồng Trần Đại Quang jờng rơ, chờ gờm ală cồng nha jak chài tàm srơh Gùt làng bol sền gàr lơngap lơngai dà lơgar tàm tơngai do. Chủ tịch lơgar đơs loh, dà lơgar he mut tàm rài chồl pràn tơl làm, ring bal tàm dơ\ tam gơl pa, lơh broă lơh sa ma\y mok, tam gơl pa dà lơgar, rcang lài mờ lơh niam broă lơh mut gơrờm bal dunia mờ uă tu\ tơngai buơn boài, mơya kung pal kong mờ ală bơta kal ke, pơr lòng tàm bơrlu\ bal.

Den tàng bè hơ\, mpồl Kuang àng làng bol, cấp ủy Đảng, gơnoar atbồ, ală ban, sơnah lơh broa\, cau mpồl bal, mpồl lơh sa kă bro, hìu bơsram kờ` pal pơn jat tai lơh niam uă ngan broă lơh  “ Rài kac màng là làng bol, tài làng bol mờ bơh làng bol”.

Chủ tịch lơgar sồr, pal pơn jat tai tam gơl pa tơngume, broă lơh bơt bơtàu srơh Gùt làng bol sền gàr lơngap lơngai dà lơgar di pal mờ jơnau sồr, kơnòl broă di pal mờ tơl bơta, tu\ tơngai ngan ngồn bơh tơl tiah, tơl gah, pơgồp bal, gơrờm bal mờ bơtàu tơnguh bal mờ srơh tàm pơrlòng kờ` gơboh dà lơgar.

Cau mblàng K’ Hạnh