VOV4.K’ho- Tàm Hà Nội, Đại tướng Phan Văn Giang, Ủy viên Bộ Chính trị, Phó Bí thư Quân ủy dà lơgar, Bộ trưởng Bộ Quốc phòng đơng lam pơrjum kuang bàng đơng lam Bộ Quốc phòng nhai 7 nam 2021.

Đơs tàm pơrjum, Đại tướng Phan Văn Giang, Bộ trưởng Bộ Quốc phòng đơs tờm nàng lơh jăt mờ lơh gơs tơl ală kơnòl tàm nhai 8 mờ sồr jơh gùt ling klàng pal tơrgùm ală broă lơh ngan, lơh geh cồng nha ờ uă kơnòl tờm. Pơn jăt tai lơh jăt, lơh jăt nền nòn ală broă đơng lam bơh Dà lơgar, tơnguh ală broă rơcang sơndră mờ kòp Covid-19. Gùt ling klàng rơcang pơgồp bal geh cồng nha mờ ală tiah, broă tờm là ƀòn dờng Hồ Chí Minh mờ ală càr đah jum dà lơgar tàm broă rơcang sơndră mờ kòp Covid-19, tàm hơ̆ sền kuơ broă gàr niam ờ do ờ dă ală mpồl tus bal in. Ală anih lơh broă geh gơnoar đơng lam gùt ling klàng bơyai lơh bơto tàp ai ală cau in nền nòn, niam, ờ do ờ dă, di pal mờ bơta gơtìp bơh kòp Covid-19; sền gròi đơng lam ală mpồl cau tus bal pơrlòng tàm Army Games 2021 geh cồng nha uă ngan.

Cau mblàng Ndong Brawl