VOV4.K’ho - Tàm lơgar Singapore gam bơyai lơh pơrjum kuang bàng dờng màng mpồl ASEAN mờ broă tus bal bơh Thứ trưởng, Bí thư thường trực Bộ Ngoại giao 10 lơgar tàm mpồl ASEAN mờ Mpồl dong broă mpồl ASEAN.

Pơrjum cri bơyai bè broă lơh bal mpồl ASEAN, broă lơh bal bơh mpồl ASEAN mờ ală lơgar, kung bè sền wơl broă rơcang ai ală pơrjum tus do, tàm hơ\ geh pơrjum Bộ trưởng Ngoại giao bồ nhai  nam 2018.

Do là broă lơh sơnrờp ai ală pơrjum kuang bàng dờng màng tàm pơrjum mpồl ASEAN, ASEAN+3, pơrjum kuang bàng dờng màng Đông Á mờ cri bơyai tiah ASEAN. Tàm pơrjum, Thứ trưởng Bộ Ngoại giao lơgar Việt Nam ồng Nguyễn Quốc Dũng neh đơs niam ală cồng nha neh geh tàm broă lơh bal mpồl ASEAN mờ bơh mpồl ASEAN mờ ală lơgar lơh broă bal; mờ đơs tòm, lơgar Việt Nam pơn jăt tai pơgồp bal nền nòn mờ ală lơgar tàm mpồl ASEAN lơh geh cồng nha ală broă ai lơh lài, broă lơh tòm geh ai tàm nam 2018 kờ` wèt tus bơ\t bơtàu 1 mpồl ASEAN pràn kơl dang mờ bơceh pa; tam pà jơnau đơs bè ală broă lơh niam mờ chồl pràn broă lơh bal bơh mpồl ASEAN mờ ală lơgar lơh broă bal.

Ồng Nguyễn Quốc Dũng sồr tơnkah bè ală bơta ờ su\k ơm pa do tàm dà lềng đah măt tơngai l^k neh tìs mờ kơrnoăt DOC mờ broă gơrềng bal ờ niam tus mờ broă bơ\t bơtàu kơrnoăt COC; hòi jà mpồl ASEAN tam klăc bal mờ pơn jăt tai pơgồp bal tàm broă geh sùm bơta lơngăp lơngai, ring niam, lơngăp lơngai, ờ do ờ dă, khăt gơboh gùng lòt tàm dà lềng mờ gùng par tàm kơl wàng trồ tàm dà lềng đah măt tơngai l^k; lơh jăt sùm ală kơrnoăt neh ring bal, tàm hơ\ geh broă ờ geh ling klàng; pơn jăt tai bal mờ lơgar Lo lơh jăt tơl, lơh geh cồng nha kơrnoăt DOC mờ bơ\t bơtàu kơrnoăt COC tơl ală bơta, geh cồng nha ngui mờ di pal mờ adăt boh lam dunia dê.

Cau mblàng Ndong Brawl