VOV4.K’ho – Mho òr 8/11, Pơrjum Kuang bàng dờng màng Mpồl lơh sa kă bro APEC (CEO Summit), dùl broă lơh tờm tàm ngai dơ\ pe bơh Poh bơyai lơh pơrjum kuang bàng dờng màng APEC 2017 dê neh mu\t pơrjum.

CEO Summit geh lơh jo\ jòng tus ngai hìng 10/11, digơlan geh 15 dơ\ pơrjum bal mờ bơta tus bal mờ kuang đơng lam bồ ală lơgar tàm Mpồl APEC dê, ală mpồl cau, mpồl lơh sa kă bro tiơng pơnrơ tàm dunia. Pơrjum Kuang bàng dờng màng Mpồl lơh sa kă bro APEC nam 2017 geh tơrgùm cribơyai ală gùng dà pa bơh mu\t gơrờm bal gùt plai ù dê, kăc mạng khoa học công nghệ, tàm tơrbo\ bal mpồl lơh sa kă bro; tìp mat cribơyai bè gơnoar broă mpồl lơh sa kă bro, chính phủ nàng gàr cau lơh broă pràn kơldang, geh bơto bơtê mờ rơcang dờp lơh ală broă bơh rài tơnơ\ do dê.

Mơkung ngui bơta ngac ngar bơceh pa bơh ală mpồl lơh sa kă bro dê jòi ală tu\ tơngai pa pờ tơlik tàm tiah do, lơh pràn lơh broă bal bơtàu tơnguh lơh sa, lơh ngan ngồn ală bơta pràn bè kă bro mờ bơcri priă bơh APEC cèng wơl.

Cau cih mờ yal tơngi\t-Lơ Mu K’ Yến