VOV4.K’ho- Drim do (28/2), ngai dơ\ bàr bơh Pơrjum Kuang bàng dờng màng tàm lơgar Việt Nam, ồng Donald Trump, Kuang atbồ lơgar Mỹ mờ ồng Kim Jong-un, Chủ tịch lơgar Triều Tiên geh dơ\ tìp mat is jo\ jòng 45 phuk.

Bàr nă kuang đơng lam bồ do tơnơ\ hơ\ geh pơrjum 2 lơgar pờ ơnàng bal mờ ală kuang bàng mờ sa ngai bal. Ồng Donald Trump mờ ồng Kim Jong-un geh ki\ jơnau ring bal bal tàm mho ngai do mờ tơnơ\ hơ\ bơyai lơh pơrjum báo.

Lài hơ\ tàm mho òr, bàr nă kuang đơng lam bồ neh tìp mat bal tàm Hìu năc   Sofitel Metropole Hà Nội. Tàm dơ\ boh bơr, ồng Donald Trump, Kuang atbồ lơgar Mỹ đơs là, Triều Tiên là dà lơgar geh bơta pràn lơh sa dờng ngan.

Ồng đơs là ồng Kim Jong-un, Chủ tịch lơgar geh cèng tus dùl rài tơnơ\ do àng sơndah ngan ai dà lơgar in mờ Mỹ geh dong jơnau hơ\ gơlik geh. Tàm tu\ hơ\, ồng Kim Jong-un pà gi\t, dunia neh “gi\t wa\ ờ di” bơta gi\t gơ\p Mỹ mờ Triều Tiên tàm tu\ tơngai tơnơ\ pơrjum kuang bàng dờng màng dơ\ sơnrờp tàm lơgar Singapore. Ồng gơn kơnờm pơrjum tàm Hà Nội cèng tus “dùl cồng nha geh jơh tơl nă cau jờng rơ”.

Tơnơ\ dơ\ sa mang, tu\ geh lùp là ồng geh ai te\ wơl jơnau neh pơrgon đơs ngan là geh sang jơh te\ ală broă lơh hạt nhân tàm bồt Triều Tiên halà ờ, ồng Donald Trump, Kuang atbồ lơgar Mỹ đơs ồng ờ go\ lơh bè hơ\. Ồng kung pà gi\t, geh sền swì broă rơndăp lơh yal bơr tơn jơh Tam lơh Triều Tiên.

Mpồl bơtìan tàm tiah đah Tô mat tơngai lik châu Á kung bè mpồl bơtìan tàm lơgar Mỹ gam iat sền ngan tơl bơta gơlik geh, tơl jơnau yal bơr geh yal bơh Pơrjum kuang bàng dờng màng Mỹ mờ Triều Tiên tàm Hà Nội. Ală jơnau lùp sền pà go\, uă ngan làng bol lơgar Mỹ geh jơnau đơs niam ngan bè dơ\ tìp mat kuang bàng dờng màng tàm Hà Nội, mờ đơs là 2 nă kuang đơng lam bồ geh lơh geh jơnau ring bal bè ală broă lơh ngan ngồn lơh jat 4 bơta tàm jơnau ring bal tơngume neh lơh geh tàm dơ\ tìp mat dơ\ 1 tàm lơgar Singapore.

Mpồl bơtìan kung đơs, 2 gah digơlan geh lơh geh jơnau ring bal bè broă crơng gơs mpồl tờm yal tơng^t jơnau tơn tàm càr lơgar bơh bal mờ gơ\p dê. Ală cau mờng chài lơgar Mỹ dê kung đơs là, tàm Hà Nội, Chủ tịch lơgar Triều Tiên ồng Kim Jong-un mờ Kuang atbồ lơgar Mỹ ồng Donald Trump geh rơndăp gùng dà broă lơh bal nàng ală kấp lơh broă bơh 2 gah dê pơn jat tai cribơyai, lam lơh gơs ală broă lơh ngan ngồn tàm tơngai tus.

Cau mblàng Lơ Mu K’Yến