VOV4.K’ho – Drim òr 13/11, tàm càr lơgar Manila, lơgar Philippines dê sơnđờm mu\t Pơrjum Kuang bàng dờng màng Asean dơ\ 31- Asean 31 mờ ală dơ\ pơrjum kuang bàng dờng màng geh gơrềng bal, bơh ồng Rodrigo Duterte, Kuang atbồ lơgar Philippines đơng lam.

Thủ tướng Nguyễn Xuân Phúc bal mờ kuang đơng lam bồ ală lơgar tàm mpồl Asean, ală lơgar lơh broă bal bơh yau mờ mpồl Asean kung lòt pơrjum bal. Tàm jơnau đơs sơnđờm mu\t pơrjum, ồng Rodrigo Duterte đơs uă tus bol sò tơm iơh bơsak mờ bol duh nùs ờ niam tam lơh là ală jơnau pơhìn tus làm gùt ù tiah. Mờ jơnau tung kơ`au geh phàu crong tàm ală tiah dà lềng bơh tiah do dê, kă bro ma túy, lơh aniai tus gơguh tai lơh sa in.

Tàm tu\ tơngai tiah đah jum mat tơngai lik châu Á gam tìp uă bơta lòng, bol jat yàng Isslam duh nùs ờ niam gam geh uă, ồng Duterte đơs là, ală lơgar kờ` pal pơgồp bal lơh broă tam dră  wơl mờ ală bơta lòng do. Asean pal tam klac lơh broă bal mờ gơ\p bè dùl hìu bơnhă, pal bal mờ gơ\p tàm sơm băt tê bal nàng sền gàr bơta kơ\ kơl jăp, pas sơm bơh tiah do dê.

Bơdĩh dơ\ pơrjum dờng màng ASEAN dơ\ 31 tàm Philippines, Thủ tướng Chính phủ, ồng Nguyễn Xuân Phúc neh geh dơ\ lơh broă mờ Thủ tướng lơgar Lào, ồng Thongloun Sisoulith mờ Thủ tướng lơgar Campuchia, ồng Hun-sen.

3 nă Thủ tướng neh cribơyai, tam pà bal bơta mờng chài nàng chul chồl tam klac tàm ală bơta tàm tiah do mờ dunia geh sền gròi bal, ringbal pơgồp bal mờ ală lơgar geh jơng ndai tài cồng nha bơh pơrjum dờng màng ASEAN dơ\ do dê, tài jơnau kờ` bal bơt bơtàu mpồl bơtiàn ASEAN tam klac, ring lơngai, kơ\ kơljap mờ pràn kơljap, jơh nùs tă pơ gồp tàm broă sền gàr ngap lơngai, kơ\ kơljap mờ chul chồl tam klac, bơtàu tơnguh tàm tiah do mờ tàm dunia.

Cau cih mờ yal tơngi\t-Lơ Mu K’ Yến mờ K’Duẩn