VOV4.K’ho – Tàm Hội An, Quảng Nam, Bộ Tài chính bơyai lơh pơrjum kuang bàng lơh broă gah priă jền dờng màng APEC nam 2017. Ală kuang bàng cribơyai bè rơndap cih jơnau yal bơr bal bơh ală Bộ trưởng Tài chính APEC dê. Cồng nha cribơyai geh là bơnàng jă ai ală tơngume jơnau yal tus pơrjum Bộ trưởng Tài chính APEC geh lơh tàm ngai 21/10 do.

Digơlan geh mờr 300 nă kuang ala mat tàm lơgar mờ dunia tus bal pơrjum Bộ trưởng Tài chính APEC mờ ală pơrjum geh gơ rềng. Ală Bộ trưởng Tài chính bơh 21 rài lơh sa geh jơng geh cribơyai bè bơta lơh sa, priă jền dờng gùt plai ù mờ kơnhoàl ù tiah; sền sơwì cồng nha broă tam klac bal priă jền bè 4 tơngume geh sền gròi lài ngan tàm nam; dờp git ală bơta mut lơh rơndap broă lơh Cebu.

                                                 Cau cih mờ yal tơnggit K’Duẩn