VOV4.K’ho- Drim do (05/3), tàm Hà Nội, Bộ Nông nghịêp mờ Phát triển Nông thôn pơgồp bal mờ Bộ Công thương bơyai lơh Pơrjum “Lơh pràn lơh gơlik gơ jat bal mờ kă bro phan lơh geh bơh suơn sre Việt Nam nam 2019”.

Nam 2019 là nam geh bơta kuơ dờng màng ngan gơ wèt tus mờ gah Lơh broă sa suơn sre mờ Bơtàu tơnguh {òn lơgar nàng sơrbac mhar lơh gơs Broă rơndăp lơh 5 nam bơh nam 2016- 2020 mờ ală broă bơtàu tơnguh gah lơh broă sa suơn sre nam 2019 ndrờm uă rlau mờ nam 2018, bè: Khà gơguh GDP rlau 3,0%, priă geh bơh lơh gơlik phan rlau 3,11%; priă geh bơh tăc phan mờ lơgar ndai geh 43 tơmàn dolar Mỹ.

Nàng lơh geh broă neh sồr lơh, dùl tàm ală kơnòl broă tờm mờ gah Lơh broă sa suơn sre gam wèt tus là pơn jat tai lam lơh pràn kơldang rơndăp tăp sèng wơl gah lơh broă sa suơn sre; bơtàu tơnguh rơndăp tăp sèng lơh gơlik phan jat 3 phan bơna tờm: phan bơna tờm dà lơgar, phan bơna tờm kấp càr mờ mpồl phan bơna là phan pơnrơ is [òn lơgar dê gơ jat bal mờ yal tơngi\t anih lơh gơlik.

 Cau mblàng Lơ Mu K’Yến