VOV4.K’ho -  Thường trực HĐND càr Gia Lai bơyai lơh pơrjum lùp ho jơnau lùp bơh   bàr dơ\ pơrjum. Tus bal dơ\ ho jơnau , lùp jơnau tàm  pơrjum geh Chủ tịch UBND càr la ồng Võ Ngọc Thành mờ kuang atbồ ala\ sở: Nông nghiệp mờ phát triển nông thôn, Y tế, Tài Nguyên - Môi trường mờ Kong ti Cổ phần ai dà Gia Lai.

Bè tơnggu  lùp, ho jơnau lùp, Thường trực HĐND càr Gia Lai rwah mpồl ala\ bơta gam ờ suk bè: broa\ lơh tam gơl brê ờ gam chi gơs tam cao su tàm xã Ia Pnôn (kơnhòal Đức Cơ) tu\ do geh mpồl lơh sa ka\ bro tam gơl tam tào,  geh broa\ lơh ờ ua\ sơntìl chi tam tàm [òn lơgar  mut lơh dong kờl bơtàu tơngguh lơh sa, li la broa\ lơh di broa\ lơh dà lơgar tơmù rbah kơljap nam 2018, broa\ lơh toh wơl brê gơbàn sơgràm nàng tơl gơl  chi tam di pal mờ  broa\ lơh ù chi brê mờ tam brê, bơta tiêu gơbàn chơt ua\ tàm càr nàng anih lơh broa\ geh gơnoar geh bơrnàng, lời ing dồs, lời jo\ tơm dồs cau tam, ròt bơsong phan sìô sia\ sang, dà bơ\ sang bơh ua\ ngan hìu sơnơm kơnhòal lơh broa\ ờ niam. Bơh broa\ lơh ho jơnau lùp nàng tơngguh cồng nha broa\ lơh sền gròi bơh HĐND càr, tơngguh kơnòl bơh ala\  gah, sơnah, mpồl lơh broa\ tàm bơsong ala\ bơta gam   gơbàn wơl.

               Cau mblàng K’ Brọp