VOV4.K’ho- Tàm Hà Nội, Mpồl duh broă cau lơh sa kă bro cau ùr Việt Nam pơgồp bal mờ Anih lơh broă Liên hợp quốc bè ring bal ùr klau mờ jàu gơnoar ai cau ùr in (UN Women) geh bơyai lơh pơrjum mpồl cau ùr lơh sa kă bro Việt Nam nam 2021 mờ rlau 40 anih tàm tơrbŏ bal di dơ̆ tơngkah kir sơnrai Ngai cau lơh sa kă bro Việt Nam 13/10, Ngai Cau ùr Việt Nam 20/10 mờ 20 nam crơng gơs Mpồl cau ùr lơh sa kă bro dê.

Pơrjum nam do geh tơngume “Tam gơl sồ: bơh bơta gĭt wă tus broă lơh”, nàng kờñ tơnguh gơnoar lơh sa bơh cau ùr dê bơh bơta dong kờl bơh mpồl lơh sa kă broă bơh cau ùr dê lơh cau tờm tam gơl sồ, lơh wơl bơtàu tơnguh lơh sa kă bro, gơdờp tàm tơngai dơ̆ Kăc màng Công nghiệp 4.0 mờ bơh bơta gơrềng bơh kòp dờng Covid-19 dê gam gơlik tàm dunia mờ tàm Việt Nam. Tàm dơ̆ pơrjum, ala mat ală mpồl lơh broă, mpồl lơh sa kă bro cribơyai bal, lơh loh ală broă bè tam gơl sồ gơwèt mờ mpồl lơh sa kă bro, tàm hơ̆ geh mpồl lơh sa kă bro bơh cau ùr lơh tờm, ală phan ngui, drơng broă, nền tảng sồ geh ngui ai ală mpồl lơh sa kă bro tàm tơngai kòp Covid-19; tŭ tơngai di pal nàng lơh jat tam gơl sồ mờ ală mpồl lơh sa kă bro dềt mờ dimơ; gùng dà lam lơh broă tŭ lơh jat tam gơl sồ tàm mpồl lơh sa kă bro.

Cau mblàng K’Hạnh