VOV4.K’ho – Tàm Hìu duh broă Chính phủ dê, Mpồl đơng lam Dà lơgar bè bơ\t bơtàu mờ bơtàu tơnguh công nghiệp sền gàr dà lơgar, lơngăp lơngai pơrjum sền wơl cồng nha broă đơng lam bè bơ\t bơtàu mờ bơtàu tơnguh công nghiệp sền gàr dà lơgar mờ lơngăp lơngai tàm tơngai lài, gi\t ală kơnòl broă tàm tơngai tus.

Đơng lam dơ\ lơh broă, Thủ tướng Nguyễn Xuân Phúc đơs loh, tơngai lài, Chính phủ, Bộ Quốc phòng, Bộ Kuang àng sùm sền gròi đơng lam, lơh geh bơta bơtàu tơnguh uă ngan ai công nghiệp sền gàr dà lơgar mờ lơngăp lơngai in.

Pràn jak lơh mờ lơh niam wơl phàu crong phan ngui bơh công nghiệp sền gàr dà lơgar mờ lơngăp lơngai dê neh geh bơta tam gơl mpờl go\ ngan mờ geh bơta bơtàu tơnguh mhar, pơgồp bơnah tơnguh jơnhoa pràn jak sền gàr dà lơgar mờ lơngăp lơngai dà lơgar; neh lơh gơlik mờ lơh niam wơl gơtùi bàr pe bơta phan bơna pa geh jơnau sồr bơta chài măy mok, công nghệ pa jak chài, lơh geh dùl bơnah jơnau kờ` phàu crong phan ngui măy mok ai mpồl phàu crong in, tơrmù blơi bơh lơgar ndai, tềm pềr priă jền dà lơgar dê.

Tàm ală nam tus, tềng đap ală tam gơl sơrbac mhar bơh bơta tàm dunia mờ tàm tiah do dê mờ dơ\ tam gơl bơta yau gơs bơta pa khoa học công nghệ dơ\ 4, kơnòl bơ\t bơtàu mờ bơtàu tơnguh công nghiệp sền gàr dà lơgar mờ lơgăp lơngai ngai sơlơ pal sền gròi uă rlau tai.

Cau cih mờ yal tơngi\t-Lơ Mu K’ Yến