VOV4.K’ho - Tàm Hà Nội, Phó Thủ tướng Vũ Đức Đam đơng lam dơ\ pơrjum [ăo mpồl đơng lam ală gah lơh broă dà lơgar bè bơta kloh niam ờ do ờ dă tàm phan sa, lơh jăt kơnòl tòm 6 nhai lồi nam.

Ồng Vũ Đức Đam sồr ală bộ, gah lơh broă geh gơnoar tơnguh broă atbồ, sền gròi mờ lơh glài nền nòn ală cau lơi tìs yal bè thực phẩm chức năng, tàm hơ\ uă ngan là broă yal bơta gơrềng niam bơn phan, lơh jăt broă lơh tăc phan đan cấp kờ` pơrlồm cau ngui sa.

Ồng Vũ Đức Đam kung sồr ală bộ, gah lơh broă geh gơnoar lơh gơs mờ yal tơl^k adăt ròng phan, adăt tam phan, ală sră nggal nền nòn bơto sồr lơh jăt adăt phan tàm dà, ai ngui Nghị định tam gơl bơtơl ờ uă bơta tàm Nghị định sồ 178 nam 2013 ngui kờ` lơh glài mờ priă bè bơta kloh niam ờ do ờ dă tàm phan sa.

Tam gơl, bơtơl ală sră nggal bè broă bơcri priă kă bro mờ sền gròi đah lơh broă, ai geh bơta [uơn làng bol, anih lơh sa kă bro lơh gơs phan ngui sa kloh niam ờ do ờ dă.

Cau mblàng Ndong Brawl