VOV4.K’ho - Ngai òr (19/4), Mpồl đơng lam Đảng càr Kon Tum kơnă 15 bơyai lơh pơrjum dơ\ 11. Tàm pơrjum, ală kuang bàng tơrgùm cri bơyai, pơgồp bal uă jơnau đơs tàm jonau yal bơh Ban Thường vụ Tỉnh uỷ bè broă lơh bal mờ cồng nha lơh jăt rơndăp broă tơrgùm bal tơnguh bơtàu lơh sa mpồl bơtiàn càr Kon Tum tơngai bơh nam 2011 tus 2020, wèt tus nam 2025.

Bơh rơlao 7 nam lơh jăt rơndăp broă tơrgùm bal tơnguh bơtàu lơh sa mpồl bơtiàn càr Kon Tun tơngai bơh nam 2011 tus 2020, wèt tus nam 2025, broă lơh sa mpồl bơtiàn càr Kon Tum neh tơnguh bơtàu di jăt mờ khà geh ai, gùng dà broă lơh bal bơh rơndăp broă mờ geh ală cồng nha kuơ màng.

Khà tơnguh lơh sa pơn jăt tai gơguh bơh ală nam. Broă lơh sa tam gơl di gùng dà broă ai lơh. Gah lơh sa suơn sre, brê bơnơm càr Kon Tum geh lơh niam wơl mờ sơlơ ngai sơlơ tơnguh bơtàu. Broă bơ\t bơtàu broă lơh sa mpồl bơtiàn geh bơcri priă, tơnguh bơtàu jăt gùng dà broă lơh ndrờm bal…

Cau cih mờ yal tơng^t Ndong Brawl