VOV4.K’ho- Ngai òr 13/12, tàm Hìu duh broă Chính phủ dê, ồng Vũ Đức Đam, Phó Thủ tướng Chính phủ mơkung là Kuang atbồ Mpồl đơng lam dà lơgar lơh jat Nghị quyết sồ 70 bơh Chính phủ dê bè broă dong kờl mpồl bơtiàn đơng lam dơ\ pơrjum mờ ală kuang bàng tàm mpồl nàng sền wơl cồng nha lơh jat tàm nam 2018.

 Tàm dơ\ pơrjum, Phó Thủ tướng tơngkah, Bảo hiểm Xã hội Việt Nam pơn jat tai lơh kơ\ kơl jăp, tơnguh tai uă broă lơh bảo hiểm xã hội lơh is; lơh gơs, lơh geh ală sră nggal khà kờp bè sền gàr tơl niam rài kis mpồl bơtiàn bal.

Phó Thủ tướng sồr, ală bộ, gah sơnah lơh broă dà lơgar sền ngac tus mờ ală broă mpồl bơtiàn pa gơlik geh, hơ\ là bơta lin đah pas sơm mờ r[ah lơ ời đah ală tiah ngai sơlơ uă.

Jơnau geh ngan uă cau dờng mờ kơnòm dềt geh tơngo\ ờ niam tàm nùs nhơm kơlôi sơnơng, muăt jrùm, ơm is dùl nă să ngai sơlơ gơguh…dilah ờ go\ sền gròi, geh broă dong kờl digơlan geh lơh gơlik jơnau gơlời wơl uă ngan. Ală bộ, gah sơnah lơh broă dà lơgar tu\ lơh broă lơh, broă rơndăp lơh loh làng nền cê, jat tàm bơta pràn geh ngan nàng lơh.

Cau mblàng Lơ Mu K’Yến