VOV4.K’ho – Drim òr (13/3), tàm [òn dờng Kon Tum, càr Kon Tum, Phó Chủ tịch lơgar, mò Đặng Thị Ngọc Thịnh, Phó Chủ tịch dơ\ 1 Hội đồng tàm pơr lòng pà khà jờng dà lơgar neh tus bal, đơng lam Pơrjum tơn jơh jơnau pơrgon tàm pơr lòng nam 2018, k^ jơnau pơrgon tàm pơr lòng nam 2019 Cụm tàm pơr lòng ală càr Tây Nguyên mờ tiah tềng gah dà lềng tàm gùl lơgar.

                       Phó Chủ tịch lơgar mò Đặng Thị Ngọc Thịnh geh jơnau đơng lam tàm pơrjum

Đơs tàm pơrjum, Phó Chủ tịch lơgar mò Đặng Thị Ngọc Thịnh, Phó Chủ tịch dơ\ 1 Hội đồng tàm pơr lòng pà khà jờng dà lơgar cih dờp, ală srơh neh lơh gơs nùs nhơm tàm pơr lòng duh hồl ngan geh mpồl bơtiàn đơs niam mờ cèng wơl cồng nha ngan ngồn. Pơn rơ là 9 tàm 10 càr geh khà gơguh lơh sa jơnhua rlau mờ khà kờp bal bơh gùt lơgar dê; tơmut tàm kes priă dà lơgar ndrờm lơh geh mờ sơr lèt rlau mờ broă rơndap lơh ai tơlik; broă bơsong ală bơta gam ờ niam chính sách ai ală cau tus bal tam lơh in geh lơh niam.

Nàng srơh tàm pơr lòng pơn jat tai bơtàu tơnguh, geh cồng nha, ngan ngồn, Phó Chủ tịch lơgar sồr 10 càr tàm Cụm tàm pơr lòng pal tam gơl pa broă tàm pơr lòng, pà khà jờng tàm tu\ tơngai pa. Tàm pơrjum, Cụm tàm pơr lòng ală càr Tây Nguyên mờ tiah tềng gah dà lềng tàm gùl lơgar neh k^ jơnau pơrgon tàm pơr lòng nam 2019.