VOV4.K’ho- Drim òr (28/12), Chính phủ sơn đờm mut pơrjum pờ tơn tàm internet mut lơh kơnòl broă bơtàu tơnguh lơh sa- mpồl bơtìan mờ kờp du\ lài priă jền dà lơgar nam 2019.

Pơrjum geh lơh tàm 2 ngai, ngai 28 mờ 29/12 nàng sền wơl tơl làm cồng nha neh lơh geh, bơta kal ke, kòl yan tàm broă mut lơh kơnòl broă nam 2018, mờ cribơyai, ai gùng dà broă lơh di pal nàng mut lơh geh cồng nha broă lơh, kơnòl broă lơh nam 2019.

Yal dùl êt jơnau rơndap cih Nghị quyết bơh Chính phủ dê bè kơnòl broă, gùng dà broă lơh kuơ màng geh mut lơh broă rơndap lơh bơtàu tơnguh lơh sa- mpồl bơtìan mờ Kờp du\ lài priă jền dà lơgar nam 2019 ( đơs lơyah là Nghị quyết sồ 01),  Phó thủ tướng ồng Vương Đình Huệ đơs tờm: Nghị quyết đơs uă bơta tam gơl pa bè gùng dà broă lơh, broă lơh mờ tơngume, geh jơnau kờ` ngan ngồn pơgồp bal mờ tơl kơnòl broă, gùng dà broă lơh mơkung sền ngan broă lơh bơyai lam lơh, jat sền, sền sơ wì, lòt sền, gròi sền  mut lơh.

Cau mblàng K’ Hạnh