VOV4.K’ho - Pơn jăt tai broă pơrjum ni sơna dơ̆ sơnrờp, Quốk hội khoă 15 neh cri bơyai pờ tơlik tàm internet bè rơndăp broă cih Nghị quyết bè broă lơh nam priă jền, priă nàng dong kờl broă brồ guh mờ tơnguh bơtàu lơh sa mpồl bơtiàn.

Ală kwang bàng đơs tờm tus mờ broă ring niam lơh sa dờng là kuơ màng ngan; pal sền gròi tus mờ broă gơmù khà priă, càn dồs priă dà lơgar, hoàc huơr kes priă dà lơgar. Ală jơnau đơs kung dan sền gròi nền nòn khà priă dong kờl, pleh mờ broă lơh geh kuơ kis bơh priă dong kờl. Uă kwang bàng đơs là, Rơndăp broă cih Nghị quyết yal Quốk hội dơ̆ do là gùng dà broă lơh di pal, mơya do kung là broă lơh uă ngan kal ke, den tàng pal geh bơta ngăc ngar bal mờ broă lơh ngan uă. Jăt ală kwang bàng đơs, bơta pràn tam pà geh ai tàm kơrnoăt, khà broă bal mờ bơta rồn bơklơn. Broă lơh ngan tam pà mờr 350 rơbô tơmàn đong ai uă tơngu me broă lơh krơi is, geh ală geh tam pà tơn, geh ală tơngu me bơh broă tă dia, broă dong kờl priă cồng.

Cau mblàng Ndong Brawl