VOV4.K’ho- Drim òr (08/10), tàm Hà Nội, geh bơyai lơh pơrjum pờ tơlik tàm internet gùt lơgar tơn jơh broă lơh kòn cau 09 nhai bơh nam do dê mờ lơh jăt kơnòl tờm 3 nhai lồi nam 2021. Pơrjum neh geh iăt ală jơnau đơs tă pơgồp bal bơh ala măt kuang bàng ală càr, ƀòn dờng geh gal làng bol kòn cau ơm kis dê.

Ală jơnau đơs tơrgùm tam pà ală cồng nha neh lơh geh tàm broă drơng gàr rài kis làng bol, kung bè broă rơcang sơndră mờ kòp Covid-19 tàm tiah làng bol kòn cau, tiah kơh bơnơm. Bơdìh hơ̆ tai, ală jơnau đơs kung ai tơngŏ ală kal ke tàm broă lơh jăt broă dong kờl kòn cau tàm rài pa, mờ ai tơlik ală gùng dà broă lơh nàng bơsong. Đơs tàm pơrjum, Bộ trưởng, Chủ nhiệm Ủy ban Dân tộc ồng Hầu A Lềnh pà git, tàm bơta kòp Covid-19 gam digơlan geh uă bơta gơtìp aniai, anih lơh broă kòn cau bơh dà lơgar tus ală càr, ƀòn dờng pal lơh ngan tơnguh gơnoar, pơgồp bal mờ ală anih lơh broă tàm mpồl chính trị, nàng broă lơh kòn cau mờ tiah kơh bơnơm geh cồng nha niam ngan.

Cau mblàng Ndong Brawl