VOV4.K’ho- Drim do 27/5, Bộ Giáo dục mờ Đào tạo bơyai lơh pơrjum pờ tơlik tơn tàm internet mờ 63 càr, ƀòn dờng bè broă lơh bơyai lơh pơrlòng jơh bơsram kấp pe nam 2021. Do là pơrjum geh ală tiah kơ̆p gơn ngan nàng bơt bơtàu broă rơndap lơh rcang bơyai lơh pơrlòng di pal tàm tơngai kòp Covid-19 gam gơlik geh kal ke. Pơrjum geh bơyai lơh pờ tơlik tơn tàm internet tàm Bộ Giáo dục mờ Đào tạo mờ ală anih tàm tơrbŏ bal bơh ală dơ̆ pơrjum pờ tơlik tơn tàm internet bơh Chính phủ dê.

Tơngume tờm bơh dơ̆ pơrjum dê là lam lơh dơ̆ pơrlòng jơh bơsram kấp pe nam 2021; ală broă mờ Ủy ban Nhân dân ală càr, ƀòn dờng pal sồr ală Sở, gah sơnah lơh broă bơt bơtàu mờ lam lơh bơyai lơh pơrlòng jơh bơsram kấp pe, gàr niam bơta ờdo ờdă, bơyai lơh niam, loh làng, tềm pềr mờ geh cồng nha. Tŭ do kòp Covid-19 neh lơh uă kơnòm bơsram ơdŭ 12 pal lơh jat broă ai ơm yah ngài tàm hìu sơnơm, halà ơm tàm tiah ai ơm yah ngài mpồl bơtiàn, gơrềng tus broă bơsram sră mờ bơsram jơnau pơrlòng rcang ai dơ̆ pơrlòng jơh bơsram kấp pe dê.

Cau mblàng K’Hạnh