VOV4.K’ho- Drim ngai 06/01, tàm hìu lơh broă Cíñ phủ geh lơh pơrjum pờ tơlik tơn tàm internet sền wơl broă lơh gàr niam ờdo ờdă gùng lòt nam lài mờ lam lơh gùng dà, kơnòl broă nam do.

              Phó Thủ tướng Thường trựk ồng Phạm Bình Minh geh jơnau đơng lam tàm pơrjum

Ủy viên Ƀộ Cíñ trị, Phó Thủ tướng Thường trựk ồng Phạm Bình Minh, Củ tịc Ủy ƀan ờdo ờdă gùng lòt dà lơgar neh đơng lam pơrjum. Jat jơnau yal tàm pơrjum, nam lài kảnh sát gùng lòt gùt lơgar neh lơh glài rlau 2 tơlak 800 rbô nă cau lơh tìs, lơh glài mờ priă mờr 3 rbô tơmàn đông, kup ai rlau 248 rbô sră măi rơndeh, kup ing rlau 460 rbô nơm rơndeh rơndồ ală bơta. Đơs tàm pơrjum, Phó Thủ tướng Thường trực ồng Phạm Bình Minh đơs nền, mờ broă gròi sền kòp Kovid-19 mờ wơl rê wơl bơta bè ờs pa, ală broă lơh bè gùng lòt pơndiang phan tàm nam do geh gơ rê bè ờs wơl mờ tơnguh rlau, den tàng Phó Thủ tướng sồr, ală Ƀộ, gah broă lơh, ală tiah pal kơlôi sơnơng, ai tơlik jơnau dăn, ală broă lơh tơrmù rềs àr gùng lòt dùl bă geh cồng nha tàm tơngai tus.

Cau mblàng K’Duẩn