VOV4.K’ho- Ngai 28/5, ồng Lê Hoài Trung, Ủy viên Ban Chấp hành Đảng dà lơgar, Kuang atbồ Mpồl lơh broă mờ lơgar ndai dà lơgar neh đơng lam 2 dơ̆ pơrjum pờ tơlik tơn tàm internet yal cồng nha Pơrjum dờng cau ala mat gùt lơgar dơ̆ 13 bơh Đảng he mờ Đảng Cộng sản lơgar Cuba mờ bal mờ Đảng lơgar Nga Thống nhất. Đơs tàm 2 dơ̆ pơrjum do, ồng Lê Hoài Trung đơs ngan, Việt Nam sùm sền dờng màng mờ kơ̆p kờñ lơh jrô ơnàng rlau tai bơta gĭt gơ̆p lơh bơyô bal kuơ màng đah Đảng Cộng sản Việt Nam mờ Đảng Cộng sản lơgar Cuba mờ đah Đảng Cộng sản lơgar Việt Nam mờ Đảng lơgar Nga Thống nhất.

Kuang đơng lam bồ bàr Đảng đơs ngan, Đảng Cộng sản Cuba mờ Đảng lơgar Nga Thống nhất sùm sền dờng màng bơta gĭt gơ̆p lơh broă bal mờ Đảng cộng sản lơgar Việt Nam, sền hơ̆ là bơnàng jă chính trị kuơ màng nàng sơlơ tơnguh, lơh jrô ơnàng rlau tai bơta gĭt gơ̆p lơh bơyô bal kuơ màng Việt Nam mờ Cuba geh Chủ tịch Hồ Chí Minh, Kuang đơng lam bồ lơgar Cuba ồng Phidel Castro mờ ồng Raul Castro lơh ngan bơt bơtàu kung bè bơta gĭt gơ̆p lơh broă bal jŏ jòng tơl làm Việt Nam mờ Nga.

Cau mblàng K’Hạnh