VOV4.K’ho- Drim ngai 02/7, geh lơh Pơrjum pờ tơn tàm internet bè atbồ, bơtàu tơnguh cụm lơh sa mờ măi mok, geh tơrbŏ bơh anih pờ tơlik tơn tàm Hà Nội bơh Bộ trưởng Bộ Công thương ồng Nguyễn Hồng Diên đơng lam, tàm tơrbŏ mờ ală càr, ƀòn dờng, ală tiah kờñ lơh loh ală kal ke, kòl yan tàm broă lơh ală cụm lơh sa mờ măi mok dê tàm tơngai lài, bơh hơ̆ ai tơlik ală broă lơh atbồ nền nòn, geh cồng nha ală cụm lơh sa mờ măi mok tàm tơngai tus.

Tài jat gùng dà ai tơlik lài tus nam 2025, gùt lơgar geh rlau 1 rbô 704 cụm lơh sa mờ măi mok. Bulah bè hơ̆, jat tơrgùm khà kờp bơh Sở Công thương ală càr, ƀòn dờng dê, tus jơh nam 2020, gùt lơgar geh 968 cụm lơh sa mờ măi mok mờ bă ù ơnàng 30 rbô 912 lồ neh geh crơng gơs. Bơh broă lơh sa bơh ală mpồl lơh sa kă bro tàm cụm lơh sa mờ măi mok dê neh tơnguh mhar broă tam gơl rơndap tap sèng lơh sa, mơya kung mpờl gŏ ală kal ke, bơta ờ niam tàm broă atbồ pal tă bơsong; uă tiah gơtìp kal ke, kwi kuơ tàm broă tam gơl broă lơh cụm lơh sa mờ măi mok bơh dà lơgar bơcri priă gơs mpồl lơh sa kă bro lơh tờm bơcri priă bơt bơtàu mờ kă bro phan bơna.... kờñ ngan ală broă lơh ai tơlik nàng kờñ atbồ jơh nùs, geh cồng nha ală cụm lơh sa mờ măi mok tàm tơngai tus.

Cau mblàng K’Duẩn