VOV4.K’ho – Drim òr (13/5), tàm Hà Nội, Ủy ban Mặt trận dà lơgar Việt Nam, Bộ Tài chính, Phòng Thương mại mờ Công nghiệp Việt Nam bơyai lơh pơrjum Sền gròi ală broă lơh tam gơl pa lòt sền broă lơh ờs mờng, tơrmù tu\ jiơ lơh sră kă bro phan mờ lơgar ndai.

Đơs tàm dơ\ pơrjum, Phó Thủ tướng Vương Đình Huệ đơs loh, ală bộ, gah sơnah lơh broă tàm tơngai pa do neh lơh tơrmù rlau 60% sră nggal, mơya kung gam uă bộ, gah sơnah lơh broă ờ hềt lơh geh jơnau sồr tơrmù tu\ jiơ. Bơh hơ\, pal sền sơ wì gơbàn kòl yan tiah lơi, mbè lơi mờ ờ hềt lơh geh jat jơnau sồr.

Phó Thủ tướng sồr anih lơh broă gròi sền pal lơh jat jơh gơnoar broă bơh he dê nàng ală gah gơ rềng bal mờ gơ\p bơyô bơt bơtàu jat broă lơh bal hiă sră nggal mơya gàr niam jat jơnau cih bơh adat boh lam dê. Tàm dơ\ pơrjum, ală kuang bàng dan tàm tơngai tus, Chính phủ pơn jat tai sền gròi, đơng lam niam broă bơsong kal ke, kòl yan tàm broă lòt sền gah lơh broă ờs mờng; mhar lơh gờ` tu\ tơngai mut lơh ală kơnòl tam gơl pa broă lơh lòt sền gah lơh broă ờs mờng, ai sră nggal kă bro phan bơna mờ lơgar ndai di mờ jơnau đơng lam bơh Chính phủ dê…

Cau mblàng K’ Hạnh