VOV4.K’ho-Tàm Hà Nội, Bộ Kuang àng bơyai lơh pơrjum pờ tơlik tơn tàm internet tus Kuang àng ală tiah nàng sền wơl, cồng nha lam lơh jat gùng dà bơt bơtàu Kuang àng xã, thị trấn chính quy tàm gùt lơgar; lam lơh bơt bơtàu Kuang àng sơnah ƀòn pơn rơ, lam lài bè sền gàr bơta lơngap lơngai, rơndap rap sèng mờ ngăc ngar tiah drà. Lơh jat Nghị quyết sồ 22 ngai 15/3/2018 bơh Bộ Chính trị dê bè pơn jat tai tam gơl pa, rơndap sap sèng mpồl lơh broă Kuang àng niam, lơh broă gơtùi, geh cồng nha tus tŭ do, Kuang àng tàm jơh 63 tiah neh pơn jat tai ai rlau 43 rơbô nă Kuang àng chính quy at gơnoar broă Kuang àng xã tàm rlau 7 rơbô 800 xã, thị trấn.

Sơr lèt gan ală bơta kal ke bơh sơn rờp, mpồl Kuang àng xã, thị trấn chính quy tàm gùt lơgar neh sơr băc mhar lam lơh broă tàm kơnă hơđơm, sền gàr làng bol, sơlơ tơnguh ală broă lơh lòt sền, sền gròi gàr niam bơta lơngap lơngai, rơndap tap sèng, lam lơh ală broă lơh chính quy, bơh hơ̆ neh lơh geh dùl “bơta pa” bè broă lơh gàr niam bơta lơngap lơngai, rơndap tap sèng tàm kơnă hơđơm, pơgồp bơnah bơt bơtàu rùp să mpồl Kuang àng xã tài bơh dà lơgar huĭ tĕ să jan, tài bơh làng bol drơng broă, jơh ală bơta là tài bơh rài kis lơngap lơngai, chờ hờp bơh làng bol dê.

Cau mblàng K’ Hạnh