VOV4.K’ho- Tàm Hìu duh broă bơh Công ty Ồs đèng càr Dăk Lăk dê geh lơh Pơrjum sền wơl 4 nam lơh jăt Kơrnoat pơgồp bal gàr niam bơta lơngăp lơngai, ờdo ờdă lơh broă ồs đèng đah Kuang àng càr Dăk Lăk mờ ală anih lơh broă gơ wèt Tổng công ty Ồs đèng tiah tàm gùl lơgar lơh broă tàm ù tiah càr Dăk Lăk dê.

Anih bơyai lơh pơrjum sền wơl 4 nam pơgồp bal lơh broă sền gàr lơngăp lơngai ờdo ờdă ồs đèng Dăk Lăk

Ală nam do, ală anih lơh ồs đèng neh pơgồp bal niam mờ ală mpồl kuang àng càr Dăk Lăk, tơnguh broă mblàng yal bơto yal jơnau gi\t wa\ kơrnoat boh lam, bơ\t bơtàu srơh jơh gùt làng bol sền gàr lơngăp lơngai Dà lơgar; pơgồp bal lơh mờ lam lơh jăt ală gùng dà broă lơh, broă rơndăp lơh gàr niam bơta lơngăp lơngai rơndăp tăp sèng ờdo ờdă; bơto pơlam bơta chài tàm broă lơh ờs mờng ai ală mpồl mờng lơh kơnòl broă in; gàr niam ờdo ờdă rcăng mờ sơndră ồs sa bơrtoh…

Ki\ hơ pơgồp bal tơngai lơh broă pơn jat tai

Tềng đap jơnau sồr lơngăp lơngai ồs đèng ngai sơl uă ai broă bơtàu tơnguh lơh sa- mpồl bơtiàn in, ală anih lơh ồs đèng tàm Dăk Lăk mờ Kuang àng tiah do pơn jăt tai tơnguh uă cồng nha broă lơh pơgồp bal, gàr niam ờdo ờdă rcăng mờ sơndră ồs sa bơrtoh, sền gàr gùng che đèng mờ ală trạm biến áp, rcăng kơryan lài ală broă lơh lơh aniai, sơgràm aniai ờdo ờdă gùng che đèng kung bè ală cau lơh tìs ndai geh gơrềng bal.

Tơlik mat mpồl sền gàr lơngăp lơngai gah ồs đèng

Cau mblàng Lơ Mu K’Yến