VOV4.K’ho - Mho òr (30/7), tàm Hà Nội, mò Trương Thị Mai, Bí thư Đảng dà lơgar, Trưởng ban dân vận dà lơgar đơng lam dơ\ pơrjum sền wơl cồng nha  3 nam mut  ngui Chỉ thị 43 bơh Ban Bí thư bè tơngguh bơta atbồ bơh Đảng tus mờ  broa\ bơsong aniai bơh sơnơm khih hóa học bơh Mỹ ngui tàm rài tam lơh tàm Việt Nam. Tàm pơrjum,  mò Trương Thị Mai  neh đơs ờ ua\ bơta gam gơbàn tàm broa\ dong kờl tus mờ ala\ cau gơbàn aniai sơnơm khih hóa học gam lơyah ngan, broa\ bơsong lơh kloh tiah kis mờ kòn bơnus gam  kơnjơ\ kơnjut ngan,  khà pria\ mờ cau lơh broa\ trơ gùm geh gam ờ ua\.

Mò Trương Thị Mai sồr ala\ anih lơh broa\ rcang niam ngan tus broa\ sền wơl 5 nam nàng  chul chồl mut lơh broa\ bơsong aniai bơh sơnơm khih hóa học  bơh Mỹ  ngui tàm rài tam lơh  hờ Việt Nam geh cồng nha  jơnhua rlau. Tơngai tus,  geh crơng gơs Ban chỉ đạo nàng sền wơl 5 nam, tàm hơ\ geh  cơ chế lơh bal nàng lòt sền  ala\ anih lơh broa\ tàm broa\ mut ngui Chỉ thị 43 bơh Ban Bí thư.

Cau mblàng K’ Brọp