VOV4.K’ho- Drim òr (12/4) tàm Hà Nội, Bộ Nông nghiệp mờ Phát triển nông thôn bơyai lơh pơrjum sơlơ tơnguh lơh sa mờ tăc phan lơh bơh iar ada mờ lơgar ndai. Tu\ do, gah ròng phan pah nam tăc rlau 500 tơlak dolar Mỹ phan phòng mờ lơgar ndai tàm hơ\ geh, poac sur, tăp, dà toh…

Lơh niam ală bơta gơ kòl bè ròng phan dềt rah rài kung bè ờ niam sơn tìl; priă lơh sa ờ uă, tàm tu\ phan tăc den rah rài, kòp pluh sùm gơlik geh, gah ròng phan neh mờ gam lơh ală mpồl gùng dà broă lơh ròng phan tàm broă lơh tam klăc bal. Tơrgùm kơ\ kơl jap drà kă bro, gàr niam ờ do ờ dă phan sa, wèt tus tăc phan mờ lơgar ndai uă rlau tai ală phan ròng nàng tơnguh priă lơh geh bơh broă tăc mờ lơgar ndai.

Ală kuang bàng tơrgùm cribơyai ală gùng dà broă lơh sơlơ tơnguh lơh sa mờ tăc phan lơh bơh iar ada mờ lơgar ndai nàng bơsir wơl ai gah ròng sur gam gơ tìp aniai tài bơh kòp jê ndul gơ jroh sur châu Phi.

Cau mblàng K’ Hạnh