VOV4.K’ho- Ngai òr 15/11, tàm [òn dờng Kon Tum, Đoàn Ơruh pơnu  Cộng sản Hồ Chí Minh dà lơgar pơgồp bal mờ Ban Thường vụ Tỉnh đoàn Kon Tum bơyai lơh Pơrjum tàm jàu broă Đoàn mờ srơh ơruh pơnu, kơnòm pa tàu mờ kơnòm dềt cụm Tây Nguyên nam 2018.

 Nam do,  broă Đoàn mờ srơh ơruh pơnu, kơnòm pa tàu mờ kơnòm dềt geh uă bơta tam gơl pa, bơceh pa jơh bal bè tơngume, broă lơh, bơyai lơh uă broă lơh dờng, cèng wơl cồng nha ngan ngồn. Ban Chấp hành Đoàn dà lơgar cih dờp mờ jờng rơ cồng nha ală kấp Đoàn tàm cụm neh lơh geh tàm tơngai pa do.

Mơkung sồr, Đoàn Ơruh pơnu ală càr lơh niam rlau tai broă lơh bơto bơtê nùs nhơm kac màng, ơnà jak, rài kis, adat boh lam ai ơruh pơnu in, lơh geh tiah ai ơruh pơnu in geh bơceh pa mờ tàm tơrbo\ bal; dong kờl ală jơnau bơceh pa geh cồng nha; sền gròi tus broă bơtàu tơnguh đoàn viên; tơnguh uă bơta niam ai đoàn viên, chi đoàn tàm tiah làng bol ơm kis.

Cau mblàng K’ Hạnh