VOV4.K’ho – Ban Tuyên giáo dà lơgar pa bơyai lơh Pơrjum tàm jàu broă lơh lơh jat Chỉ thị sồ 5 cụm ală Tỉnh ủy, Thành ủy tiah tàm gùl lơgar – Tây Nguyên.

                                        Ồng Bùi Trường Giang đơs đơng lam pơrjum

Pơrjum kờ` sền cồng nha bơh 3 nam lơh jat Chỉ thị sồ 5 bơh Bộ Chính trị dê bè “Sơlơ lơh pràn broă bơsram mờ lơh jat nùs nhơm, rài kis Bác Hồ dê”.

 Ban Tuyên giáo dà lơgar mờ kuang bàng ală càr tiah tàm gùl lơgar – Tây Nguyên đơs tờm, broă lơh jat Chỉ thị sồ 5 geh uă tam gơl, bơceh pa; pơgồp bal mờ broă lam lơh kơnòl chính trị bơh [òn lơgar dê, mờ broă lơh bơt bơtàu, lơh niam wơl Đảng, bơt bơtàu mpồl lơh broă chính trị mờ srơh tàm pơr lòng tàm tơl tiah, anih lơh broă, mpồl lơh broă.

Ban Thường vụ ală Tỉnh ủy, Thành ủy tiah tàm gùl lơgar – Tây Nguyên neh sac rơwah geh ală bơta tam gơl pa mờ hơ pơrgon lơh jat; sơlơ bơto bơtê lý luận chính trị, nùs nhơm, rài kis Bác Hồ; bơt bơtàu geh git nđờ rhiang broă lơh pa, broă lơh niam bơceh pa, bè broă lơh at tê bal bơt bơtàu [òn lơgar pa bơh càr Quảng Ngãi dê; broă lơh xã ring lơngai, hìu bơnhă gơboh gơbài bơh càr Quảng Bình dê; broă lơh tềm pềr lơh jat jơnau Bác Hồ bơto sồr bơh càr Dak Lak dê.