VOV4.K’ho- Pơrjum tàm jàu broă lơh broă lơh jat Chỉ thị khà 05 bơh Bộ Chính trị dê bè “Lơh pràn bơsram mờ lơh jat nùs nhơm, bồ tơngoh, rài kis mờ broă lơh jak Hồ Chí Minh dê” mpồl ală tỉnh, thành ủy tiah đah tô dà lơgar mờ ală Đảng ủy gơ wèt Dà lơgar geh bơyai lơh drim òr 17/4 tàm càr Bắc Giang.

Tus bal pơrjum, ồng Võ Văn Thưởng, Kuang atbồ Ban Tuyên giáo dà lơgar yal ală bơta ờ hềt pràn jak tàm broă lam lơh jat Chỉ thị khà 05, bè: nùs nhơm lơh đah bơdìh lơm, ờ hềt lơh is, ờ hềt lơh geh bơta tam gơl tàm bàr pe tiah; Broă ơlah bơsram kơrnoat kung gam geh sơl bal mờ uă bơta tơngo\ bè drim den hô hơng, mho den ngềt ngơ\t, tus ờ go\ cih tàm sră, bơsram ò jrô; Bal mờ hơ\, broă lơh mblàng yal ờ hềt bơceh pa, lơh ai ală bơta pơnrơ ờ hềt rề uă, ờ hềt lơh jơh bơta gơdờp.

Ồng Võ Văn Thưởng sồr ală tỉnh, thành ủy mờ đảng ủy gơ wèt Dà lơgar pal jơh nùs rlau tai nàng lơh broă lơh gơs kơnòl broă bơh tơngai lơh broă pơrjum dờng đảng bộ ală kấp, lơh gơs ală broă jàu bơh Pơrjum dờng dơ\ 12 bơh Đảng dê; rcăng niam ngan rlau jơh ală bơta pal geh ai pơrjum dờng đảng bộ ală kấp, wèt tus Pơrjum dờng dơ\ 12 bơh Đảng dê.

Cau mblàng Lơ Mu K’Yến