VOV4.K’ho- Ngai òr 1/11, tàm [òn dờng Buôn Ma Thuột, Cục Tần số vô tuyến điện gơ wèt Bộ Thông tin mờ Truyền thông bơyai lơh Pơrjum tàm jàu broă lơh pơgồp bal atbồ tần số vô tuyến điện tiah đah jum tàm gùl lơgar mờ Tây Nguyên.

Cục Tần số vô tuyến điện cih dờp bơta pơgồp bal niam ngan mờ geh cồng nha bơh ală càr tàm tiah do dê tàm tơngai lài; mơkung sồr tàm tơngai tus, ală càr pal pơn jat tai sơlơ lơh uă tai broă mblàng yal, bơto yal Adat Tần số vô tuyến điện jat gùng dà tam gơl pa bè tơngume, broă lơh mờ gùng dà broă lơh dipal mờ tơl nă cau; pơgồp bal bơsong krà` phan lơh gơlik bơta aniai ờ niam yal tơngit jơnau vô tuyến điện bơh măy điện thoại ờ geh che lơh gơlik.

Ală càr pal sơlơ lơh tai broă lơh atbồ tần số vô tuyến điện; tus lùp sền, sền swì broă ngui tần số vô tuyến điện bơh ală mpồl cau, cau dùl nă să dê kung bè đo, sền swì, bơto tơngkah ală anih ngui măy mok pờ tơlik jơnau đơs, sơ`io rùp…

Cau mblàng Lơ Mu K’Yến