VOV4.K’ho- Drim ngai 02/12, geh lơh pơrjum tàm tơrbŏ bal đah mpồl lơh gơlik phan mờ cau blơi phan đah ƀòn dờng Hồ Chí Minh mờ ală càr, ƀòn dờng tàm gùt lơgar. Đơs tàm pơrjum, Thứ trưởng Bộ Công thương ồng Đỗ Thắng Hải đơs niam broă gàr tơl phan bơna pal geh ai mờr 10 tơlak nă cau tàm ƀòn dờng Hồ Chí Minh in jơh bal tàm tŭ tơngai kal ke ngan rlau jơh tŭ kòp bơtờp gơbàn uă.

Nàng tơnguh cồng nha lam lơh broă lơh, dong kờl mpồl lơh sa kă bro bơtàu tơnguh wơl broă lơh sa, kă bro, Thứ trưởng Đỗ Thắng Hải sồr kuang đơng lam bồ Ủy ban Nhân dân ƀòn dờng Hồ Chí Minh, Sở Công thương ală càr mờ ală mpồl lơh sa kă bro pal tơnguh cồng nha lam lơh Broă lơh lơh broă bal kă bro, ngan là ală Broă lơh gàr kơ̆ kơljap drà kă bro mờ Broă lơh tàm tơrbŏ bal đah mpồl lơh gơlik phan mờ cau blơi phan bơh broă tơrgùm tàm broă dong kờl bơtàu tơnguh drà kă bro tac ală phan lơh gơs bơh suơn sre, phan sa pal geh.

Cau mblàng K’Duẩn