VOV4.K’ho- Ngai òr 28/11, tàm Hà Nội, Thường vụ Đảng ủy Kuang àng dà lơgar bơyai lơh Pơrjum ai jơnau đơs sền wơl broă lơh mờ cồng nha ală bơta lơh broă kuang àng nam 2018, ai gùng dà broă lơh mờ kơnòl broă nam 2019.

Mờ Pơrjum kung sền wơl cồng nha dùl nam lơh jat Nghị quyết sồ 18 bơh Pơrjum Dà lơgar 6 khoá XII: “Bàr pe broă bè pơn jat tai tam gơl, rơndăp tăp sèng mpồl kuang bàng bơh ală anih lơh broă chính trị lời wơl dùl nă cau, lơh broă jak mờ geh cồng nha”; Nghị quyết sồ 22 bơh Bộ Chính trị dê bè “Pơn jat tai tam gơl pa, rơndăp tăp sèng mpồl kuang bàng, rơndăp tăp sèng mpồl kuang bàng Bộ Kuang àng lời wơl dùl êt nă cau, lơh broă jak mờ geh cồng nha”; ai jơnau đơs bè tơngume jơnau sồr, jơnau pal geh kuang bàng Kuang àng 4 kấp in; rơndăp kuang bàng kấp broă lơh kuơmàng tàm Kuang àng làng bol.

Tus Pơrjum, Tổng Bí thư, Chủ tịch lơgar ồng Nguyễn Phú Trọng đơs là, do là nam tàm gùl lơh jat Nghị quyết Pơrjum dờng dơ\ 12 bơh Đảng dê, Đảng ủy Kuang àng dà lơgar tơrgùm sền wơl tìs di broă lơh, ai tơlik gùng dà broă lơh, kơnòl broă nam 2019 mờ tơngai gam wơl bơh tơngai lơh kơnòl broă dê.

Cau mblàng Lơ Mu K’Yến