VOV4.K’ho - Tàm Hà Nội, Bộ Nội vụ, Ban Tơn giáo Chính phủ bơyai lơh pơrjum tơn jơh broă lơh nam 2017 mờ lơh jăt kơnòl nam 2018 gah atbồ dà lơgar bè jăt yàng.

Tàm pơrjum, Phó Thủ tướng Trương Hoà Bình neh đơs niam ală broă pơgồp bal bơh gah atbồ dà lơgar bè jăt yàng. Mơya, ồng Trương Hoà Bình kung tơl^k loh ală broă gam ờ pràn bè: broă lam sồr, yal adăt boh lam bè pin dờn jăt yàng geh cồng nha ờ hềt uă.

Geh ờ uă nùs nhơm kơlôi sơnơng, jơnau đơs du\t ndơl bơh Đảng ờ ờ geh lơh gơs adăt boh lam, den tàng lơyài mu\t tàm mùl màl, ờ ring bal tàm broă bơsong tus mờ broă pin dờn jăt yàng pa geh.

Geh ờ uă mpồl jăt yàng gam ờ niam, ờ pin dờn mờ Đảng, Dà lơgar, ồng Trương Hoà Bình sồr bơyai lơh niam gùng dà, broă lơh bơh Đảng, Dà lơgar gơwèt mờ làng bol jăt yàng.

Mờ pơn jăt tai lam sồr, yal adăt pin dờn, jăt yàng mờ mùl màl geh cồng nha. Ală anih lơh broă dà lơgar pa bơsong jơh ală broă bè ù tiah gơrềng tus jăt yàng, lơh niam broă tam klăc bal jơi bơtiàn kòn cau, tam klăc gah jăt yàng.

Cau cih mờ yal tơng^t Ndong Brawl