VOV4.K’ho- Mho ngai 15/12, tàm Hìu duh broă Ciñ phủ dê, Mpồl đơng lam Đảng Ciñ phủ mờ Mpồl hòi jà làng bol dà lơgar dê neh bơyai lơh Pơrjum tơn jơh broă lơh pơgồp bal tơngai bơh nam 2016- 2021, kĭ hơ broă lơh pơgồp bal lơh broă hòi jà làng bol tơngai bơh nam 2021- 2026.

Đơs tàm pơrjum bè lam lơh broă lơh pơgồp bal tàm tơngai tus, Thủ tướng Ciñ phủ ồng Phạm Minh Chính đơs nền: tàm tŭ tơngai pa, broă lơh pơgồp bal đah Mpồl đơng lam Đảng Ciñ phủ mờ Mpồl hòi jà làng bol dà lơgar dê kờñ pal geh tơnguh tus dùl cơnđoà pa, pal geh ală jơnau kờñ pa, jơnau sồr, pơlam gùng, broă lơh pa dipal mờ bơta bơtàu tơnguh bơh dà lơgar dê, mhar lam lơh jăt geh cồng nha Kơrnoăt Pơrjum dờng Đảng khoă XIII; lơh gơs uă ngan rlau jơh ală jơnau kờñ, kơnòl broă mờ Đảng, Quôk hội neh sồr lơh tàm tơngai bơh nam 2021- 2025.

Cau mblàng Lơ Mu K’Yến