VOV4.K’ho- Tơngkah kir sơnrai 110 nam ngai deh ƀồc Đại tướng ồng Võ Nguyên Giáp , tàm càr Cao Bằng neh geh bơyai lơh uă broă lơh ngan ngồn mờ geh kuơ ngan.  Drim ngai 24/8 tàm Tiah tềl lời wơl dà lơgar kuơ màng Brê Trần Hưng Đạo (xã Tam Kim, kơnhoàl Nguyên Bình), càr Cao Bằng neh bơyai lơh dơ̆ chu ñàng, pơdơng bơkào tàm Hìu duh khoai ƀồc Đại tướng ồng Võ Nguyên Giáp dê.

Pơrjum tơngme “Đại tướng Võ Nguyên Giáp mờ ƀòn lơgar tờm Kăc màng Cao Bằng”

Tơnơ̆ dơ̆ chu ñàng, pơdơng bơkào, tàm Tiah tềl lời wơl dà lơgar kuơ màng Brê Trần Hưng Đạo, càr Cao Bằng tơn neh bơyai lơh Pơrjum mờ tơngume “Đại tướng Võ Nguyên Giáp mờ ƀòn lơgar tờm Kăc màng Cao Bằng”. 25 jơnau cih bơh ală Kuang bàng dê neh pơgồp bơnah lơh loh gơnoar broă dờng màng bơh Đại tướng dê mờ srơh kăc màng Việt Nam, ngan là tơngai bơh nam 1941-1945, tơngai mờ Đại tướng lơh broă tơn tàm càr Cao Bằng. Uă jơnau cih kung đơs ngan ală bơta tă pơgồp dờng màng bơh làng bol ală jơi bơtiàn kòn cau càr Cao Bằng dê tàm broă dong kờl, sền gàr kăc màng kung bè mờ Đại tướng Võ Nguyên Giáp, tiah mờ Đại tướng sùm sền là ƀòn lơgar tờm dơ̆ 2 bơh he dê.

Cau mblàng K’Hạnh