VOV4.K’ho - Ngai òr (17/10), tàm [òn dờng Dà Làc, càr Lâm Đồng, Bộ Giáo Dục mờ Đào Tạo, Mpồl đơng lam Tây Nguyên bal mờ Đại học Quốc gia [òn dờng Hồ Chí Minh neh bơyai lơh pơrjum bè broă tơnguh bơtàu broă bơto bơtê mờ bơsram tiah Tây Nguyên.

Jăt jơnau yal tàm pơrjum, bu\ lah broă lơh hìu bơsram, ơdu\ bơsram, broă lơh bal mờ bơta niam broă bơto bơtê mờ bơram tàm Tây Nguyên neh tơnguh uă ngan, mơya kung gam uă bơta kal ke.

Khà hòi jà kơnòm bơsram tàm sơnam tus lòt bơsram geh ờ uă, bơta niam broă bơto bơtê mờ bơsram ờ hềt di pal mờ broă kờ` bal, khà cau lơh broă neh geh bơto tơnguh lơyài, cau bơsram dờng kòn cau geh khà ờ uă, cau pơgru bal mờ mpồl cau bơto broă lơh gam ờ tơl, ală bơta bè phan bơna gam tìp uă ngan kal ke…

Jăt Bộ Giáo Dục mờ Đào Tạo yal, tàm tơngai tus, Tây Nguyên pal chồl pràn broă sền wơl, ai khà rơndăp broă lơh wơl hìu bơsram, ơdu\ bơsram, sền kuơ broă bơcri priă tàm broă lơh hìu bơsram, bơ\t bơtàu rơndăp broă bơto g^t sră tàm tiah làng bol kòn cau, bơto bơtơl mpồl cau pơgru, cau mblàng jơnau di pal mờ broă kờ` tam gơl pa broă bơto bơtê.

                                                                   Cau cih mờ yal tơng^t Ndong Brawl