VOV4.K’ho - Drim òr (19/12), Công ty Điện lực Dak Lak bơyai lơh pơrjum ưn ngài cau năc nam 2018. Công ty Điện lực Dak Lak tu\ do gam tăc mờ mờr 530 rơbô nă năc.

Tàm nam 2018, công ty do neh lơh gơs niam ală khà broă geh ai, kơnòl geh jào, kờp jơh khà ồs đèng lơh geh mờr 1 tơmàn 600 tơlăk kWh, gơguh 10,4% khà pơn drờm mờ tu\ do nam 2017. Khà ồs đèng ngui kờ` lơh mờ tam pà là 5,6%, khà priă ồs đèng geh tăc 1 rơbô 727 priă tàm 1 kWh.

Bal mờ broă lơh ngan kờ` geh tơl ồs đèng sùm, niam drơng tàm broă lơh mờ rài kis, tàm nam do, công ty neh ai geh ồs đèng 82 broă lơh, tơngai bơsong ală broă lơh gơwèt kơnòl gah lơh ồs đèng là 2,93 ngai tàm 1 broă lơh.

Bal mờ hơ\, ală broă tơm priă ồs đèng geh lơh uă bơta, ai geh bơta [uơn cau năc tàm broă ngui ồs đèng in.

Cau mblàng Ndong Brawl