VOV4.K’ho - Tàm pơrjum Đại hội Đồng AIPA dơ̆ 42, lồi ƀùi mho ngai òr (23/08), geh bơyai lơh pơrjum ùr Nghị sỹ, cri bơyai bè tơngu me chồl pràn broă jào gơnoar lơh sa ai cau ùr in tàm tơnơ̆ do brồ guh tơnơ̆ mờ kòp gơtờp mờ lơh broă bơh broă kỹ thuật số mờ priă jền tơrgùm bal.

Tàm pơrjum, Chủ tịch Ủy ban ùr Nghị sỹ AIPA đơs tờm tus mờ broă ring bal cau klao mờ cau ùr, 30% khà cau ùr tàm mpồl ASEAN gam gơtìp kal ke mờ mìng lơh ală broă tàm hìu nhă. Kòp gơtờp lơh cau ùr sơlơ ờ pràn rơlao. Kòp Covid-19 neh chồl mhar broă tam gơl sồ mờ lơh is jơh, bơta do ngai sơlơ lơh kal ke rơlao ai cau ùr in. Den tàng mpồl kuang bàng ala măt cau ùr lơgar Brunei-do là lơgar tờm bơyai lơh pơrjum AIPA-42 neh geh rơndăp broă nghị quyết bè broă chồl pràn jào gơnoar lơh sa ai cau ùr tàm tơnơ̆ do brồ guh tơnơ̆ mờ kòp gơtờp mờ broă lơh bơh kỹ thuật số mờ priă jền tơrgùm bal, kờñ tơmù bơta ờ ndrờm bal cau klao mờ cau ùr.

Cau mblàng Ndong Brawl