VOV4.K’ho- Tàm Hà Nội, Viện Kiểm nhân dân tối cao bơyai lơh pơrjum yal broă lơh bơh gah kiểm sát dê nam 2018. Tus bal pơrjum do, ồng Trần Đại Quang, Chủ tịch lơgar jờng rơ mờ đơs niam ngan cồng nha lơh geh bơh gah kiểm sát nhân dân dê tàm nam 2017.

Tàm hơ\, cồng nha broă lơh ờs mờng, broă lơh sùm pơn jat tai geh tam gơl niam; kơnòl lùp khàu tàm broă lơh lùp khàu ală dơ\ lơh tìs glài ku\p jàm geh sơlơ tơnguh tai. Gah kiểm sát nhân dân kung lơh niam ngan broă dờp, bơsong yal yă jơnau yal bè cau lơh tìs, ờ go\ lời tìs uàn mờ lời hu\i cau lơh tìs.

Ồng Trần Đại Quang sồr, nam 2018 ngui lơh ală adat pa bè tư pháp, ală gùng dà broă lơh mờ kơrnoat boh lam bơh Đảng, Dà lơgar dê bè lơh tam gơl pa tư pháp, rơcang sơndră mờ cau lơh tìs mờ lơh tìs kơrnoat boh lam; gàr kơ\ bơta lơngăp lơngai chính trị, rơndăp tăp sèng ờdo ờdă mpồl bơtiàn, pơgồp bơnah lơh geh anih niam nàng bơtàu tơnguh dà lơgar.

Gah kiểm sát nhân dân rơcang lài kơlôi sơnơng, dan mờ kấp ủy, gơnoar atbồ ală kơnă ală gùng dà broă lơh tam dră, rơcang sơndră mờ cau lơh tìs mờ lơh tìs kơrnoat boh lam. Ngan là cau lơh tìs sa kuề sa kùa mờ cau lơh tìs lơh sa.

Cau cih mờ yal tơngi\t- Lơ Mu K’Yến