VOV4.K’ho- Drim ngai 08/10, tàm Hà Nội, Mpồl lơh broă kuang bàng bơh Ủy ban Thường vụ Quốc hội bơyai lơh pơrjum yal jơnau gĭt wă mờ bơta chài tờm ai kuang bàng Quốc hội khoá 15 gơ kờn dơ̆ sơnrờp in.

Đơs tàm dơ̆ sơnđờm mut pơrjum, ồng Trần Thanh Mẫn- Phó Chủ tịch Thường trực Quốc hội đơs ngan: Kuang bàng Quốc hội là cau tờm, lơh gơnoar broă tờm, lơh nền tus bơta niam mờ cồng nha broă lơh bơh Quốc hội dê. Broă cribơyai bơta mờng chài, bơto bơtê bơta gĭt wă, bơta chài lơh broă là dùl tàm ală gùng dà broă lơh dong kờl Kuang bàng Quốc hội in tơnguh bơta pràn, bơta chài lơh broă tàm anih lơh broă chính trị, lơh jat bơta jak chài bơh he dê, bơta pràn bơh tơl nă cau dê. Tàm pơrjum, ală Kuang bàng tus bal geh cau yal jơnau yal tơngĭt mờ tam pà bơta mờng chài geh gơrềng tus ală tơngume bè: Lùp sền mờ bơta chài sền sơwì rơndap lơh adat, kơrnoat boh lam; Bơta chài geh jơnau đơs, cribơyai, tàm pơndang cribơyai mờ hơ jơnau lùp bơh gah lơh băo tàm anih pơrjum dê.

Cau mblàng K’Hạnh