VOV4.K’ho - Tiah Tây Nguyên đơs bal, càr Dak Nông đơs is geh sền là tiah geh bơta niam uă bè năng lượng măt tơngai, ală rơndăp broă lơh ồs đèng bơh năng lượng măt tơngai tàm càr Dak Nông neh mờ gam geh lơh, di gơlan geh cèng tus ală bơta geh dờng màng tàm broă tơnguh bơtàu năng lượng kloh, drơng broă tơnguh bơtàu lơh sa mpồl bơtiàn.

Mờ bă ù tus mờr 65 lồ, mờ rơlao 187 rơbô pang pil ồs đèng măt tơngai, bơh hờ đang sền go\, hìu măi ồs đèng măt tơngai Cư\ Jút, thị trấn Ea T’Linh, kơnhoàl Cư\ Jút, càr Dak Nông gam cèng geh khà ồs đèng kloh niam. Lài mờ hơ\, “bă sre năng lượng” do neh geh tu\ là tiah ù klàr, mờ ală bơta phan tam geh cồng nha ờ uă, cồng nha broă lơh sa ờ uă.

             Ală pang pil ku\p bức xạ bơh măt tơngai tàm hìu măi ồs đèng măt tơngai Cư\ Jút

Bi Nguyễn Văn Đức, cau đơng lam broă lơh tàm hìu măi ồs đèng măt tơngai yal, tơnơ\ mờ tu\ neh mu\t lơh broă, khà kờp bơh mpồl lơh broă geh tam pà gơs 2 mpồl kờ` sền gàr broă lơh. Bu\ lah lơh mờ atbồ rơlao 187 rơbô pang pil, mơya mpồl kuang bàng mìng lơh broă tàm măi vi tính mờ atbồ broă lơh mờ camera tus hờ anih lơh broă. Mpồl kuang bàng đơng lam broă lơh kung sùm sền gròi ală pang pil, sùm gàr pil kloh kờ` broă lơh geh niam ờ do ờ dă, cồng nha pil geh khà bức xạ uă ngan.

-Broă lơh bơh ală oh mi lơh broă tàm do là pơdar bal sền gròi phan mờ atbồ broă lơh bal tàm hìu măi tàm tơngai sền gàr, di lah geh ờ uă pang pil gơtìp ờ niam den kơnòl bơh ală oh mi là lòt tam gơl, ha là geh ờ uă dra ơn pil gơtìp tơrlah den geh lơh niam wơl. Bè jơ uă ngan bơh 11 jơ ngai tus 1 jơ mho, khà bức xạ geh uă ngan, gam broă tơl^k ndrờm bal bơh 6 jơ drim tus 6 jơ mang.

Ồng Lưu Phúc Anh, Phó kuang atbồ hìu măi ồs đèng măt tơngai Cư\ Jút pà g^t, cau tòm bơcri priă lơh là Công ty cổ phần Thuỷ điện Miền Trung neh sền uă tiah tàm gùt lơgar mờ cồng nha là ù tiah kơnhoàl Cư\ Jút, càr Dak Nông geh bơta bức xạ niam ngan, khà jơ tàm bè ờs pah nam geh di pơgăp 2 rơbô 600 jơ.

Broă lơh gùng che ồs đèng, bơ\t bơtàu broă lơh geh niam. Tàm tu\ trồ tiah tàm do ring niam, ờ hoan gơbàn rềs àr den tàng anih lơh sa kă bro neh bơcri rơlao 1 rơbô 300 tơmàn priă nàng lơh hìu măi ồs đèng măt tơngai mờ bơta pràn lơh geh ồs đèng 50MW.

                                                      Broă lơh mìng geh lơh mờ đơng lam tàm măi vi tính

Hìu măi neh lơh broă mờ khà ồs đèng di gơlan geh là 90 tơlăk KWh ồs đèng tàm 1 nam mờ khà priă geh di pơgăp 200 tơmàn priă, mờ di gơlan tàm 9 nam geh bơsal wơl priă bơcri.

-Khà kờp bức xạ tàm càr Dak Nông, tàm hơ\ kuơ màng là kơnhoàl Cư\ Jút là tiah geh uă bơta bức xạ niam. Kuơ màng tàm tiah geh rơwah lơh geh uă bơta [uơn bè rềp mờ gùng che ồs đèng 110KV bức xạ niam. Mờ bơh lơh broă mờ gơnoar atbồ tàm do, den gơnoar atbồ tàm do niam ngan mờ dong kờl uă ngan.

Khà ồs đèng geh lơh pah nhai di pơgăp 7 tơlăk KWh, khà ồs đèng geh bơh tu\ lơh tàm ngai 20 nhai 4 tus tu\ do neh tơl^k tàm gùng che ồs đèng dà lơgar là rơlao 31 tơlăk KWh, pơgồp bal tàm broă tơmù ờ uă ngan bơta ờ tơl ồs đèng dà lơgar kung bè tơmù hoàc huơr ồs đèng tàm tiah do dê.

Ồng Nguyễn Văn Trình, Phó kuang atbồ Công ty Điện lực Dak Nông pà g^t, broă tơnguh bơtàu năng lượng lơh geh wơl, tàm hơ\ năng lượng măt tơngai gam geh Chính phủ lam sồr ngan. Do là broă lơh pal geh lơh, tàm bơta ală bơta năng lượng bè ờs bè thuỷ điện, nhiệt điện ngai sơlơ gơmù khà lơh kung bè bơta tàm pơrlòng.

-Hìu măi ồs đèng măt tơngai bơh Tổng Công ty Điện lực Miền Trung pờ tơn tàm gùng che ồs đèng 110 KV neh pơgồp bal tàm broă tơnguh tai khà ồs đèng geh tơn tàm tiah do dê, mờ kung lơh broă ring niam mờ gùng che ồs đèng bal mờ bơta pràn càr Dak Nông dê kung niam rơlao. Bơta ndai, do là dùl khà ồs đèng bơtơl geh kuơ màng ngan tàm tu\ broă tơnguh broă lơh ing bơh gùt lơgar đơs bal mờ càr Dak Nông đơs is tu\ do rơlao 10%.

Jăt ồng Nghiêm Hồng Quang, Phó Chủ tịch UBND kơnhoàl Cư\ Jút yal, tu\ do kơnhoàl geh 2 rơndăp broă lơh ồs đèng măt tơngai neh geh ai kă bro mờ bơta pràn pờ tơl^k ồs đèng mờr 95 MW, kờp jơh priă bơcri rơlao 2 rơbô 200 tơmàn priă.

Broă bơcri priă lơh ală rơndăp broă ồs đèng măt tơngai neh ngui geh bơta pràn bơh tiah do dê. Uă bă ù klàr ờ niam, sùm gơbàn prang, ờ geh dà tuh tàm kàl prang gam gơs ù tiah niam ai ală rơndăp broă lơh ồs đèng măt tơngai in.

-Cồng nha lài ngan gơwèt mờ tiah do dê là tam gơl broă lơh sa, dơ\ 2 là tơnguh kes priă ai gơnoar atbồ tàm do in, dơ\ 3 là ai broă lơh làng bol tàm do in, hơ\ là ală broă gơrềng bal loh làng ngan, niam ngan bơh rơndăp broă lơh do.

Tàm tơngai tus den mờ kơnòl bal mờ jơnau kơ\p kờ` bơh tiah do dê den rơndăp broă lơh do pơn jăt tai tơnguh cồng nha.

Kuơ màng tai là tu\ rơndăp broă geh lơh broă den geh gơdờp bal tus mờ anih lơh sa kă bro, ală anih lơh sa kă bro bơcri priă geh nùs nhơm pin dờn là tu\ tus mờ kơnhoàl Cư\ Jút geh wă rò mờ ai tơl bơta niam.

       Cau mblàng Ndong Brawl