VOV4.K’ho- Jat jơnau yal mhar bơh Bộ Giáo dục mờ Đào tạo dê, ngai pơrlòng sơnrờp, dơ̆ pơrlòng jơh bơsram kấp pe nam 2021, kờp jơh kơnòm pơrlòngtus bal pơrlòng jơh 2 môn Ngữ văn mờ Toán drờm geh rlau 97% pơndrờm mờ ală cau pơrlòng dan cih mat tus bal pơrlòng. Gùt lơgar geh 9 nă kơnòm pơrlòng lơh tìs mờ kơrnoat gơtìp ờ ai pơrlòng.

Jat jơnau đơs bơh sơnrờp bơh cau pơrlòng, cau pơgru mờ jơnau đơs bơh mpồl bơtiàn dê, jơnau pơrlòng Ngữ văn mờ jơnau pơrlòng Toán ơm tàm jơnau bơsram kấp pe, geh bơta sac rơwah di pal. Ală mpồl duh broă pơrlòng neh lơh jat niam ală broă lơh rcang sơndră kòp Covid-19 mờ lam lơh ală broă lơh rcang lài den neh bơsong di tŭ ală bơta digơlan gơlik geh nisơna, gàr niam bơyai lơh pơrlòng ờdo ờdă mờ niam. Ngai do, 8/7, ngai pơrlòng lồi dŭt dơ̆ 1, dơ̆ pơrlòng jơh bơsram kấp pe nam 2021, ƀùi drim ală kơnòm pơrlòng lơh jơnau pơrlòng Khoa học Tự nhiên halà Khoa học Xã hội, ƀùi mho kơnòm pơrlòng tus bal lơh jơnau pơrlòng môn Dà đơs lơgar ndai.

Cau mblàng K’Hạnh