VOV4.K’ho- Pôs đồng Mpồl ling sền gàr tiah nhàr lơgar Ia Lốp, Gah đơng lam Mpồl ling sền gàr tiah nhàr càr Gia Lai, tàm tơngai do neh lơh ngan bal mờ gơnoar atbồ mờ làng bol tàm tiah do dê bơtàu tơnguh lơh sa, bơt bơtàu [òn lơgar pa, bơt bơtàu bơta tam klăc bal đah ling klàng mờ làng bol, gàr kơ\ kơl jap mờ lơngap lơngai tiah nhàr lơgar.

Sơrbac sơrbang ngan dong oh kòn, kòn sau yờ bao kòi bơh tàm rơndeh công nông ơn tàm blàng hìu, ồng Siu Biu `o\ chờ hờp ngan pà g^t, nam do, hìu bơnhă ồng mờ làng bol [òn Klăh, xã Ia Mơr geh tơnhào, geh tơl phan sa tàm 1 nam. Ồng Siu Biu pà g^t, làng bol [òn Klăh geh bè ngai do là kơnờm bơh Mpồl ling sền gàr tiah nhàr lơgar Ia Lốp. Tài bơh, lài do, làng bol tàm [òn mìng kuèng tùc kòi mìr, mus brê ai ù lơh mìr. Tơnhào kơnờm jơh lơm mờ trồ tiah geh is, den tàng làng bol sùm ờ tơl phan sa mờ jơgloh.

Bơh di ngai geh Mpồl ling sền gàr tiah nhàr lơgar Ia Lốp pơlam làng bol sih tam kòi sre mờ sơngka sền gàr kòi sre lơyah tơngai, geh tơnhào uă den làng bol ờ gam ơm tàm rài kis jơgloh tai, mờ gam geh kòi sa, kòi prăp tai. Tu\ do, tàm [òn Klăh neh geh uă hìu dờng niam, uă hìu bơnhă blơi ma\y mok, rơndeh rơn dồ drơng broă lơh sa.

 Pôs đồng ling sền gàr tiah nhàr lơgar pơlam làng bol in lơ òr ù sih kòi, tơnơ\ hơ\ ơn phơng, den kòi hơ\ sồng geh tơnhàu uă. Sơntìl kòi den ngui sơntìl kòi pa, sơtìl kòi 3 nhai. Bơdìh hơ\ tai, bơta chi tam ndai den làng bol he geh tờm điều .

Kòn cau Jarai tàm xã Ia Mơr bơh jo\ neh kuèng mờ bơhìan tơl hìu bơnhă ròng ê lềng bơh 1 tus 2 nơm kơnrồ tềng hơđơm rồm hìu rơng. Mơya, bơh tu\ geh cau ling, kuang bàng sền gàr tiah nhàr lơgar Ia Lốp pơlam lơh wàng kơn rồ geh lơh rơkàng glòm, ngài mờ hìu ơm mờ geh c^t sơnơm rcang sơn dră kòp kơnrồ in den uă hìu bơnhă neh bơtàu tơnguh bòr kơnrồ gơguh bơh 20 tus 30 nơm mờ gơ gơs priă lơh geh tờm tàm hìu bơnhă dê.

Nam 2017, Pôs đồng ling sền gàr tiah nhàr lơgar Ia Lốp neh cih mat dong kờl 2 hìu bơnhă r[ah geh màng mờ dà lơgar tàm [òn H’Nát. Jat mờ hơ\, mpồl neh tă priă nhai bơh kuang bàng mờ cau ling dê, lơh niam wơl hìu ơm, blơi pà tơl hìu bơnhă in 1 yô kơnrồ sơntìl, dong kờl 20 tơlak priă blơi tờm điều sơntìl ai 2 lồ tờm điều in nàng lơh bơnàng jă dong kờl làng bol brồ guh lik klàs r[ah.

Uă nam do, Pôs đồng ling sền gàr tiah nhàr lơgar Ia Lốp kung neh cih mat dong kờl tiah do lơh jat ală broă lơh sơnơm, bơto bơtê mờ sền gàr lơngap lơngai, ờ do ờ dă mpồl bơtìan tàm Broă lơh jơnau kờ` Dà lơgar Bơt bơtàu [òn lơgar pa. Ồng Rơ Lah Chim, Chủ tịch UBND xã Ia Mơr pà g^t tai.

 Tơngai pa do, gơnoar broă bơh Pôs đồng ling sền gàr tiah nhàr lơgar Ia Lốp dê là niam ngan. Dơ\ dùl, là sền gàr tiah nhàr lơgar, kơl jap rài kis làng bol in tàm broă lơh sa; lòt sền broă làng bol lik mu\t tàm là niam ngan. Jơh bal làng bol he dê, jơh bal cau kuèng, mpồl kung lòt sền, pal geh tơl sră pơ àr mut tàm tiah nhàr lơgar. Dơ\ 2 tai là, bol a` pơgồp bal lam ai ală cau kra [òn, cau atbồ thôn, cau geh bơngă pin dờn in lòt còp ală jrong tàm gùng nhàr lơgar nàng g^t tiah nhàr lơgar đah Việt Nam mờ Campuchia, nàng ba` sơgràm mu\t tàm lơgar gơ\p bơyô dê.

Tàm 10 nam do, Pôs đồng ling sền gàr tiah nhàr Ia Lốp neh dong kờl lơh geh rlau 10 nơm hìu ơm ai hìu bơnhă chính sách, hìu bơnhă geh màng mờ dà lơgar in tàm xã Ia Mơr. Bal mờ hơ\, mpồl pơgồp bal bơyai lơh g^t nđờ jơ\t dơ\ kham sơm kòp, phàt sơnơm ờ sa priă ai làng bol tàm tiah do dê. Kờ` gi\t kah rơngal wơl jơnau do, làng bol tàm tiah do dê kung dong kờl jơh nùs bal mờ ală mpồl lơh broă lơh gơs kơnòl broă sền gàr tiah nhàr lơgar.

Kờp tus tu\ do, jơh 5 thôn, [òn mờ rlau 600 nă cau tàm xã Ia Mơr neh ki\ hơ tus bal sền gàr gơnoar tờm ù tiah, lơngap lơngai tiah nhàr bơh dà lơgar dê tàm tu\ tơngai pa. Bơh hơ\, crơng gơs geh 5 mpồl at bồ is gùng nhàr lơgar mờ sơn tơ\p jrong.

Mìng kờp is tàm nam 2017, ală mpồl atbồ is neh lòt sền mờr 200 dơ\, yal tơngi\t jơnau dong kờl bơsong g^t nđờ nă cau tung kơ`au phan bơna, cau lơh gơlik bơta ờ niam, pơndiang dơm chi brê tìs mờ kơrnoat boh lam tàm tiah nhàr lơgar dê.

Thiếu tá Nguyễn Văn Quang, Chính trị viên Pôs đồng ling sền gàr tiah nhàr lơgar Ia Lốp pà g^t.

Tàm ală nam do, mpồl neh bal mờ gơnoar atbồ mờ làng bol tàm [òn tơrgùm bơta pràn, phan bơna dong kờl làng bol bơtàu tơnguh lơh sa. Pôs đồng ling sền gàr tiah nhàr lơgar sùm sền gròi, ai tơl bơta bơh gơnoar atbồ xã dê mờ bơta tam klăc bal bơh làng bol xã Ia Mơr dê. Pôs đồng ling sền gàr tiah nhàr lơgar mờ gơnoar atbồ bal mờ làng bol sùm geh bơta tam klac bal rềp mềl ngan.

Bơta g^t gơ\p rềp mềl, kơ\ kơl jap bơh làng bol xã Ia Mơr mờ Pôs đồng ling sền gàr tiah nhàr lơgar Ia Lốp, gơ wèt Gah đơng lam mpồl ling sền gàr tiah nhàr lơgar càr Gia Lai dê ờ mìng sơlơ lơh niam bơne\ tai bơhìan niam bơne\ bơh Mpồl ling klàng làng bol Việt Nam dê mờ gam là bơnàng jă dong lơngap lơngai, sền gàr dà lơgar tàm tiah nhàr lơgar kơnhoàl Chư Prông, càr Gia Lai dê sơlơ kơ\ kơl jap rlau tai.

Cau mblàng K’ Hạnh