VOV4.K’ho - Tàm ală nam do, kuang bàng cau ling tàm pôs ling sền gàr tiah nhàr dà lơgar Srepok, gơwèt mpồl ling sền gàr tiah nhàr dà lơgar càr Dak Lak pa lơh gơs jăk chài kơnòl sền gàr tiah nhàr dà lơgar, mờ là pôs ling lơh niam broă dong kờl ală cau geh sră dong kờl bơh dà lơgar, ală hìu nhă làng bol kòn cau rơ[ah sơlèt mờ rài kis, pơgồp bal niam tàm broă tơn jơh jơgloh, tơmù rơ[ah tàm tiah nhàr dà lơgar. Bơh tu\ hơ\, rơhời bơ\t bơtàu kơl jăp nùs nhơm làng bol, gàr niam ờ do ờ dă tàm tiah nhàr dà lơgar.

Ală ngai mờr satềp Mậu Tuất 2018, tềng hìu chài rơgơi [òn Drang Phôk, xã tiah nhàr dà lơgar Krông Na, kơnhoàl Buôn Đôn sùm geh gal cau. Rơlao 10 nă cau ling bơh ală mpồl lam sồr làng bol gơwèt pôs ling sền gàr iah nhàr dà lơgar Srepok bal mờ mpồl atbồ, sền gàr [òn, mpồl đoàn viên ơruh pơnu tàm [òn lơh jăt broă pơs wàs kloh niam, cră niam wơl loa, lơh niam wơl bơnàng đơs crih tamya kờ` rơcang bơyai lơh đơs crih tamya chờ gờm nam pa Mậu Tuất 2018 drơng làng bol in sền.

Ồng Y Nô Huyn, kis tàm [òn Drang Phôk, xã Krông Na pà g^t, ală kuang bàng cau ling tàm pôs ling sền gàr tiah nhàr dà lơgar Srepok ờ mìng bơyai lơh đơs crih tamya mờ gam pà phan, pà mbar ai làng bol in satềp tai. Làng bol chờ hờp ngan. Ồng Y Nô Huyn pà g^t:

-Di satềp den cau ling pà phan sa, pà mbar ai làng bol gơbàn rơ[ah in. Bal mờ hơ\, cau ling sền gàr tiah nhàr dà lơgar gam bơyai lơh đơs crih tamya kờ` làng bol in chờ wă rò nam pa, làng bol tàm [òn chờ hờp ngan. Làng bol ưn ngài cau ling sền gàr tiah nhàr dà lơgar uă ngan. Làng bol kờ` cau ling dong kờl uă rơlao tai kờ` làng bol tơmù kal ke mờ sơlèt tus tơn jơh rơ[ah.

Xã tiah nhàr dà lơgar Krông Na là 1 xã tiah ngài gơbàn kal ke ngan kơnhoàl Buôn Đôn dê, tu\ do gùt xã geh mờr 1 rơbô 500 hìu mờ di pơgăp 5 rơbô 400 nă làng bol mìng là làng bol kòn cau Rơđê, Mnông, Lào, Tày, Nùng, Thái. Khà hìu rơ[ah tàm xã gam uă di pơgăp 50%, mìng is [òn Drăng Phôk geh ơm tàm dơlam brê dà lơgar Yok Đôn, là [òn kal ke ngan mờ geh tus 80% khà hìu rơ[ah. Bu\ lah geh Đảng mờ Dà lơgar sền gròi bơcri priă mơya tàm ală nam do, rài kis làng bol tàm [òn do gam kal ke ngan.

Ồng Đặng Văn Hà, Phó Bí thư Đảng uỷ xã Krông Na, kơnhoàl Buôn Đôn pà g^t, tàm ală nam do, ală kuang bàng cau ling tàm pôs ling sền gàr tiah nhàr dà lơgar Srepok neh geh ală broă pơgồp bal niam tàm broă lơh sa mờ rài kis mpồl bơtiàn, kờ` dong kờl xã tàm broă tơn jơh jơgloh, tơmù rơ[ah:

-Pôs ling sền gàr tiah nhàr dà lơgar neh ai tơl bơta niam, dong kờl ală hìu rơ[ah, hìu kal ke 15 nơm kơnrồ, bơdìh hơ\ tai, gam dong kờl ngai lơh broă. Bal mờ broă dong kờl làng bol den cau ling kug lơh rơndăp broă dong kờl kơnòm dềt lòt bơsram, pôs ling neh dong kờl priă pah nhai ai 16 nă oh in kờ` geh tơl pràn pơn jăt tai lòt bơsram, pờ ală ơdu\ bơto sră ai g^t rơhiang nă kơnòm dềt ờ g^t sră in tus tu\ do neh g^t sền sră. Bơdìh hơ\ tai, di tàm ală dơ\ satềp, trung thu, mpồl ling sền gàr tiah nhàr dà lơgar kung bơyai lơh còp să pà phan lam sồr.

Pôs ling sền gàr tiah nhàr dà lơgar Srepok atbồ gơl gùng nhàr dà lơgar jòng mờr 14 kơi sồ. Ală nam do, mpồl kuang bàng bal mờ cau ling tàm pôs ling do neh lơh gơs jăk chài kơnòl sền gàr gơnoar ù tiah bal mờ bơta lơngăp lơngai tàm tiah nhàr dà lơgar, bơ\t bơtàu mờ tơnguh kơl jăp nùs nhơm làng bol.

Thiếu tá Đỗ Trung Long, atbồ pôs ling sền gàr tiah nhàr dà lơgar Srepok pà g^t, bal mờ kơnòl chính trị: sền gàr kơl jăp tiah nhàr dà lơgar, den pôs ling gam ai broă drơng gàr rài kis làng bol in bal mờ làng bol geh rài kis rơ[ah tàm tiah pôs ling kung là 1 kơnòl kuơ màng ngan. Di satềp Mậu Tuất nam do, pôs ling kung geh bơyai lơh uă broă dong kờl làng bol tàm tiah nhàr dà lơgar geh satềp hờm ram. Thiếu tá Đỗ Trung Long pà g^t:

-Kờ` làng bol geh wă rò satềp niam, hờm ram, bol a` neh lơh rơndăp broă bơyai lơh klơm mbar tàm 9 [òn, bol a` geh klom 250 nơm mbar geh 6 tơlăk priă kờ` pà làng bol bal mờ ală hìu nhă geh sră dong kờl bơh dà lơgar, ală hìu rơ[ah in satềp. bơdìh hơ\ tai, pôs ling kung pà 10 bơnah phan ai hìu nhă geh sră dong kờl bơh dà lơgar bal mờ hơ\ den kung ai ală cau ling tus tàm [òn satềp bal mờ làng bol.

Cau cih mờ yal tơng^t Ndong Brawl