Jăt mờ hơ̆, cau, tơngai cih sơnơm vaccine pal geh cit tàm dơ̆ cih do geh:

-Kơnòm kòn se: Cit sơnơm vaccine sơndră mờ kòp viêm gan B.

-Kơnòm dềt hờ đơm 1 sơnam: Cit sơnơm vaccine sơndră mờ kòp jòr bơsiă gơlik mhàm, hùc sơnơm vaccine bOPV sơndră mờ kòp lơng, cit sơnơm vaccine sơndră mờ 5 kòp: ƀạc hầu, bơsiă ngkròk iar, uốn ván, viêm gan B, as sồt klờm soh/as sồt kơndoh tơngoh ndơng tài vi khuẩn Hib, cit sơnơm sơndră mờ kòp lơng, kòp sởi.

-Bơh 1 sơnam tus 5 sơnam: Cit sơnơm sơndră mờ kòp viêm não Nật Ƀản B.

-Bơh 18 tus 24 nhai: Cit sơnơm sởi-rubela, DPT sơndră mờ kòp ƀac hầu, bơsiă ngkròk iar, uốn ván.

-Cau ùr geh bun sơndră mờ kòp uốn ván.

Tơntgai tus, tơngai cit sơnơm sơndră mờ kòp bơh ală bơta sơnơm vaccine ndai geh ai tàm broă cit sơnơm sơndră mờ kòp geh:

-Kơnòm dềt hờ đơm ha là rơlaó sơnam: Cit sơnơm sơndră mờ kòp lơng ding dơ̆ 2 (sơnơm vaccine do pơn jăt tai cit ờ sa priă ai kơnòm dềt bơh 9 nhai in).

-Kơnòm dềt 7 sơnam tàm tiah di gơlan gơtìp kòp uă: Cit sơnơm sơndră mờ kòp ƀac hầu, uốn ván jăt jơnau sồr bơh ală tiah dê.

-Kơnòm dềt hờ đơm 1 sơnam hùc sơnơm vaccine Rota.

Ală sơnơm vaccine geh ai tàm tơngu me bơto sồr bơh Mpồl lơh sơnơm dunia, Mpồl duh broă pơlam ngui sơnơm vaccine bơh Ƀộ Y tế bơto sồr, bơta kòp gơlik geh bơh ală kòp gơtờp tàm lơgar Việt Nam dê.