Lơh jăt Nghị địñ sồ 05 nam 2023 bơh Cíñ phủ dê, càr Kon Tum geh 1 rbô 296 nă viên cưk lơh sơnơm rơcăng gàr lài, lơh sơnơm kơnă hơđơm geh tam gơl priă dong kờl gah broă lơh bơh khà bơh 40- 70% gơguh tus 100%. Tơngai lơh jăt bơh ngai 01/01/2022 tus ngai 31/12/2023 mờ kờp jơh priă tă lơh là rlau 68 tơmàn đong.
Ƀak sĩ ồng Võ Văn Thanh, Kwang ătbồ Sở Y tế càr Kon Tum pà gĭt, Sở kung neh geh jơnau dan bè broă ai 270 nă viên cưk lơh broă lơh khà kờp làng bol mờ deh dùh di kơrhia tàm hìu bơnhă kâp kơnhoàl, kâp xã mờ viên cưk lơh broă lơh mblàng yal jơnau bơto bơtê pràn kơldang să jan tàm Anih tờm Gròi sền kòp tê jê să tơmŭt tàm mpồl cau geh tam gơl priă dong kờl gah broă lơh tài bơh bơta geh ngan là ală viên cưk do tàm broă lơh rơcăng sơndră kòp Kovid-19 kung geh hòi tus lơh jăt kơnòl broă rơcăng sơndră kòp bè viên cưk lơh sơnơm rơcăng gàr lài, lơh sơnơm kâp hơđơm.
Viết bình luận